Emb­ætti skatt­rann­sókn­ar­stjóra hefur farið yfir þau gögn sem því bár­ust vegna við­skipta sex aðila með tengsl við Ísland við HSBC bank­ann í Sviss og kom­ist að þeirri nið­ur­stöðu að þau gefi ekki til­efni til frek­ari aðgerða að hálfu emb­ætts­ins. Þetta er haft eftir Bryn­dísi Krist­jáns­dóttur skatt­rann­sókn­ar­stjóra á mbl.­is.

Þar segir Brynd­is: „Farið hef­ur verið yfir þau gögn en þau vörð­uðu sex aðila. Nið­ur­staðan er sú að þau gefa ekki til­­efni til frek­­ari aðgerða af hálfu emb­ætt­is­ins. Ástæðan er sú að þegar að var gáð vörð­uðu þau ekki ís­­lenska skatt­þegna.“

Bryn­dís Krist­jáns­dótt­ir, skatt­rann­sókn­ar­stjóri.

Greint var frá því í febr­úar að breski bank­inn HSBC hefði aðstoðað þús­undir manna um allan heim, en þó einkum í gegnum útibú í Sviss, við að skjóta fé undan skatti með því að fela pen­inga­legar eignir fyrir skatta­yf­ir­völd­um.

Æsi­leg saga af stolnum gögnum

Ít­ar­leg frum­gögn úr við­skipta­manna­gagna­grunni bank­ans, sem tölv­un­ar­fræð­ing­ur­inn Hervé Falci­ani, sem starf­aði sem sér­fræð­ingur hjá HSBC, komst yfir og lak til val­inna fjöl­miðla auk alþjóða­sam­taka um rann­sókn­ar­blaða­mennsku (International Consortium of Investigative Journa­lists) sýndu þetta. Hann komst yfir gögnin haustið 2007, flúði til Frakk­lands með lög­regl­una á hæl­unum og hefur síðan dvalið í Frakk­landi undir vernd yfir­valda þar. Árið 2010 beitti þáver­andi fjár­mála­ráð­herra Frakk­lands og núver­andi fram­kvæmda­stjóri Alþjóða­gjald­eyr­is­sjóðs­ins, Christine Lag­ar­de, sér fyrir því að gögnin yrðu notuð til þess að koma upp um franska skattsvik­ara. Ákveðið var að höfða ekki mál gegn Falci­ani eftir að gögnin höfðu verið skoðuð og greind, og nýtur hann verndar á þeim for­send­um.

Í gögn­unum kom fram að þrettán ein­stak­lings­reikn­ingar hefðu verið opn­aðir hjá bank­anum milli áranna 1995 og 2005 og tengd­ust þeir átján banka­reikn­ing­um. Sex aðilar tengdir Íslandi áttu reikn­ing­ana, og hæsta upp­hæð tengd einum þeirra nemur átta millj­ónum dala. Alls voru heild­ar­inn­stæður þeirra sex aðila sem voru tengdir Íslandi 9,5 millj­ónir dala, um 1,3 millj­arðar króna.

Frönsk skatta­yf­ir­völd komu gögnum um aðil­anna sex til skatt­rann­sókn­ar­stjóra í mars og nú er ljóst að yfir­ferð emb­ætt­is­ins á þeim gögnum er lokið án þess að til frek­ari aðgerða verði grip­ið.