Íslend­ingar áttu aldrei mögu­leika gegn sterku liði Svía í fyrsta leik liðs­ins á HM í  hand­bolta í Katar í dag. Loka­tölur voru 24-16 fyrir Svía.  Staðan í hálf­leik var 12-7 fyrir Svía, en ekk­ert gekk hjá íslenska lið­inu í sókn­ar­leiknum gegn sterkri vörn Svía í fyrri hálf­leik og það sama var upp á ten­ingnum í seinni hálf­leik.

Á níu mín­útna kafla í fyrri hálf­leik tókst lið­inu ekki að skora mark, og fór staðan úr því að vera 2-2 í 7-2 fyrir Svía. Eftir það hélt sænska liðið Íslend­ing­unum í öruggri fjar­lægð og stýrði ferð­inni, undir styrkri stjórn þjálf­ar­ana Staffans Ols­son og Ole Lind­gren.

Óhætt er að segja að íslenska liðið hafi leikið langt undir getu og á löngum tímum í leiknum verið að leika hörmu­lega miðað við það sem býr í sterkum leik­manna­hópi liðs­ins.

Næsti leikur liðs­ins er gegn Alsír á sunnu­dag­inn og hafa Íslend­ingar því einn dag til þess að ná áttum eftir slæma útreið.

Leikir liðs­ins í riðla­keppn­inni á HM eru eft­ir­far­andi.

1. janú­ar kl. 16.00 Ísland – Als­ír
2. janú­ar kl. 18.00 Ísland – Frakk­land
3. janú­ar kl. 18.00 Ísland – Tékk­land
4. janú­ar kl. 16.00 Ísland – Egypta­land