Slita­stjórnir Glitnis og Kaup­þings verða að fá svör við und­an­þágu­beiðnum frá Seðla­bank­anum fyrir dags­lok föstu­dag­inn 23. októ­ber næst­kom­andi, eigi að nást sam­þykkt nauða­samn­inga fyrir ára­mót. Þetta kemur fram í Morg­un­blað­inu í dag og er haft eftir heim­ild­ar­mönn­um.

Slita­stjórn Glitnis óskaði eftir und­an­þágu­beiðni frá gjald­eyr­is­höft­um, sem er for­senda þess að hægt sé að ljúka nauða­samn­ing­um, í júlí síð­ast­liðnum. Hið sama gerði Kaup­þing í byrjun sept­em­ber. Í báðum til­vikum byggir und­an­þágu­beiðni á því sam­komu­lagi sem gert var milli hluta kröfu­hafa og sér­staks fram­kvæmda­hóps ­stjórn­valda um losun fjár­magns­hafta. Sam­komu­lag­ið, það eru til­lögur frá­ hluta kröfu­hafa Glitn­is, Kaup­þings og gamla Lands­bank­ans (LBI) einnig um hvernig ljúka megi upp­gjöri án þess að það raski stöð­ug­leika í efna­hags- og gjald­eyr­is­mál­um, var birt á vef­síðu fjár­mála­ráðu­neyt­is­ins í júní síð­ast­liðn­um.

Ef slita­búin vilja kom­ast hjá því að greiða 39 pró­senta stöð­ug­leika­skatt þá þurfa þau að ganga frá nauða­samn­ingum fyrir ára­mót og fá hann sam­þykktan fyrir hér­aðs­dómi.

Í frétt Morg­un­blaðs­ins kemur fram að slita­búin þurfi allt að viku til að ganga frá skjölum þegar loka­svör hafa feng­ist frá Seðla­bank­an­um. Þá sé hægt að boða með form­legum hætti til kröfu­hafa­fundar þar sem lagt yrði fram frum­varp að nauða­samn­ingi undir atkvæði. Það muni taka þrjár vikur í til­felli GLitnis en fjórar viku í til­felli LBI og Kaup­þings. Þá taki allt að viku að leggja samn­inga fyrir hér­aðs­dóms, sem í kjöl­farið þarf að boða til með­ferðar máls um samn­ing­inn. Ekki er ljóst hversu langan tíma dóm­arar muni taka til að fara yfir samn­inga en þeir telja hund­ruð blað­síðna.