Mario Magela, fjár­festir frá Slóvak­íu, er nú skráður eini eig­andi smá­lána­fyr­ir­tækj­anna Kredia og Smá­lána. Sam­kvæmt upp­lýs­ingum Kjarn­ans keypti Magela félögin af Leifi Alex­ander Har­alds­syni í des­em­ber síð­ast­liðn­um. Breyt­ingin á eign­ar­hald­inu var hins vegar fyrst skráð inn hjá fyr­ir­tækja­skrá 23. sept­em­ber síð­ast­lið­inn.

Megela er með víð­tæka starf­semi, meðal ann­ars með smá­lán, í Tékk­landi og Slóvak­íu. Þar rekur hann meðal ann­ars smá­lána­síð­una www.kredi­a.cz, sem byggir á íslensku fyr­ir­mynd­inni.

Keypti hlut í eig­anda Inkasso

Kjarn­inn greindi frá því í jan­úar síð­ast­liðnum að Magela hefði átt hlut í félagi sem hét DCG ehf.  Það félag var hins vegar á þeim tíma skráð að fullu í eigu Leifs Alex­and­ers Har­alds­sonar og hafði þá nýverið einnig keypt inn­heimtu­fyr­ir­tækið Inkasso, sem meðal hafði séð um inn­heimtu fyrir smá­lána­starf­semi. DCG ehf. átti á þeim tíma einnig Hóp­kaup, Heim­kaup, SpotOn og ýmis­legt ann­að.

Frá því í sept­em­ber er Magela hins vegar einn skráður eig­andi Kredia og Smá­lána. Inkasso er enn í eigu DCG ehf., sem heitir í dag Kaptura Eign­ar­hald og Rekstur ehf. Það félag er í 100 pró­sent eigu Leifs Alex­and­ers Har­alds­son­ar. Á meðal ann­arra eigna félags­ins er Heim­kaup.

Önnur blokk í eigu kýp­versks félags

Smá­lána­heim­ur­inn á Íslandi hefur skipst í tvær blokk­ir. Ann­ars vegar eru fyr­ir­tækin Kredia og Smá­lán, sem eru í eigu Megela, og hins vegar eru fyr­ir­tækin Hrað­pen­ing­ar, 1909 og Múla. Þau þrjú síð­ast­nefndu eru öll í eigu félags á Kýpur sem heitir Jumdon Fin­ance Ltd. For­svars­menn fyr­ir­tækj­anna á Íslandi hafa ekki viljað gefa upp hverjir end­an­legir eig­endur Jumdon Fin­ance eru. Fjár­mála­eft­ir­lit­ið, sem hefur eft­ir­lit með starf­semi smá­lána­fyr­ir­tækja, og Fyr­ir­tækja­skrá, búa ekki yfir upp­lýs­ingum um hver end­an­legur eig­andi félag­anna er. Því er staðan sú að á íslenskum neyt­enda­mark­aði eru starf­andi þrjú lána­fyr­ir­tæki sem eng­inn, utan þeirra sem stýra því, veit hver á.

Sam­kvæmt fyr­ir­tækja­skrá hefur ekk­ert smá­lána­fyr­ir­tæki skilað árs­reikn­ingi fyrir árið 2013. Því liggur ekki fyrir hvernig rekstur þeirra gekk í fyrra, en hart hefur verið sótt að starf­sem­inni með hertri lög­gjöf. Rekst­ur­inn árin á undan gekk hins vegar prýði­lega og hagn­aður hljóp á tugum millj­óna króna.