Grein­ing­ar­deild Arion bank spáir 0,7% hækkun á vísi­tölu­neyslu­verðs (VNV) í febr­ú­ar. Þar vegur þyngst að útsölu­á­hrif munu ganga til baka og hafa 0,55% áhrif til hækk­unar á vísi­töl­una, segir í mark­aðs­punktum deild­ar­inn­ar. Einnig hefur elds­neyt­is­verð hækkað frá síð­ustu mæl­ingu (+0,10% áhrif á VNV) og þá gerir spá grein­ing­ar­deild­ar­innar ráð fyrir að hús­næð­islið­ur­inn hækki lít­il­lega í mán­uð­inum (+0,05% áhrif á VNV). Minni breyt­ingar eru á öðrum liðum og ætlar grein­ing­ar­deild Arion banka að mat­ar­k­arfan og flug­lið­ur­inn standi í stað milli mán­aða, svo eitt­hvað sé nefnt.

Í síð­asta mán­uði mæld­ist verð­bólga 0,8 pró­sent hér á landi, en hún var nei­kvæð um 0,6 pró­sent að teknu til­liti til hús­næð­islið­ar­ins. Í Evr­ópu glíma mörg ríki nú við verð­hjöðn­un, en að með­alti mælist verð­bólga nei­kvæð um 0,6 pró­sent í álf­unni, sam­kvæmt síð­ustu birtu tölum Hag­stofu Evr­ópu­sam­bands­ins, Eurostat.

Gangi spá okkar eftir mun árs­verð­bólga mæl­ast 0,9% sam­an­borið við 0,8% í jan­ú­ar, eins og áður sagði, og með­al­tals­verð­bólga á fyrsta árs­fjórð­ungi verður 0,9% eða undir frá­viks­mörkum frá verð­bólgu­mark­miði Seðla­bank­ans. „Engu að síður gerum við ráð fyrir meiri verð­bólgu á fyrsta árs­fjórð­ungi en spáð er í síðustu Pen­inga­málum Seðla­bank­ans en þar er gert ráð fyrir 0,5% verð­bólgu að með­al­tali á fjórð­ungn­um,“ segir í spá grein­ing­ar­deild­ar­inn­ar.