Heiða Kristín Helga­dótt­ir, vara­þing­maður Bjartrar fram­tíð­ar, vill vita hvort Sig­mundur Davíð Gunn­laugs­son for­sæt­is­ráð­herra hafði ein­hverja aðkomu að því að Minja­stofnun Íslands ákvað á dög­unum að skyndi­friða hafn­ar­garða við Aust­ur­höfn­ina í Reykja­vík og þá á hvaða fag­legu for­sendum slík aðkoma hafi verið byggð. Þetta kemur fram í fyr­ir­spurn til for­sæt­is­ráð­herr­ans um fram­kvæmd laga um vernd­ar­svæði í byggð.

Lög um vernd­ar­svæði í byggð voru sam­þykkt á síð­asta þingi, en þau hafa verið gagn­rýnd harð­lega, meðal ann­ars af Sam­bandi íslenskra sveit­ar­fé­laga. Mark­miðið með lög­unum er að stuðla að vernd og varð­veislu byggðar sem hefur sögu­legt gildi, og sam­kvæmt þeim er það for­sæt­is­ráð­herra sem tekur ákvörðun um að gera byggð að vernd­ar­svæði, en ekki sveit­ar­fé­lögin sem byggðin er í. Hall­dór Hall­dórs­son, for­maður Sam­bands íslenskra sveit­ar­fé­laga, sagði í vor að frum­varpið stríði gegn skipu­lags­valdi og sjálf­stjórn­ar­rétti sveit­ar­fé­lag­anna, og að minnsta kosti sé farið mjög nálægt því að brjóta ákvæði stjórn­ar­skrár­innar með því.

Í fyr­ir­spurn Heiðu Krist­ínar er for­sæt­is­ráð­herra líka kraf­inn svara um það hvaða fag­þekk­ing á sviði minja­verndar eða skipu­lags­mála og arki­tektúr sé fyrir hendi í ráðu­neyt­inu til þess að meta og leggja til hvaða svæði í byggð skuli vera vernd­uð. Þá er spurt hvort til standi að efla slíka fag­þekk­ingu í ráðu­neyt­inu. Þá er Sig­mundur líka spurður að því hvort búið sé að leggja mat á mögu­lega bóta­skyldu eða skaða­bætur sem kunni að falla á rík­is­sjóð vegna skerð­ingar á verð­mæti fast­eigna, sem kunni að leiða af ákvörð­unum for­sæt­is­ráð­herra um vernd­ar­svæði í byggð.