Sýr­lenski stjórn­ar­her­inn berst nú af hörku við liðs­menn Íslamska rík­is­ins (IS­IS), í grennd við hina fornu borg Pal­myra, sem er á heimsminja­skrá UNESCO. ISIS hefur hótað að sprengja borg­ina meira og minna alla upp og eyði­leggja hana, en það hefur ekki gerst enn.

Eitt af því sem þessum glæpa­mönnum sem tengja sig við Íslamska ríkið hefur tekist, er að skapa ótta um allan heim í gegnum sam­fé­lags­miðla. Þeir hafa meðal ann­ars notað mynd­bönd í þeim til­gangi.

Mark­miðið virð­ist vera að fá fólk til að dreifa þeim, ekki síst þá sem for­dæma verk þeirra. Þeir eru lík­legir til að dreifa hræðslu­á­róðr­in­um, og segja um leið; sjá­ið, þetta eru villi­menn.

Sterkasta vopnið gegn þessum skipu­lag­aða hræðslu­á­róðri er að dreifa ekki efn­inu á sam­fé­lags­miðl­um, og að muna, að ekk­ert rétt­lætir að gefa glæpum þessa fólks sem stendur að ISIS trú­ar­lega vængi. Þá fyrst er ákveð­inn sigur unn­inn hjá þeim sem vilja ekki aðeins drepa sak­laust fólk heldur líka hræða sem flesta.

Þau ­sem eru að dreifa hræðslu­á­róðr­inum - ekki síst þau ­sem telj­ast til mik­illa and­stæð­inga - ættu að hugsa um þetta. Dreif­ingin ein og sér, jafn­vel þó efnið sé for­dæmt, getur búið til hræðslu og ótta.