Enn er rætt um frum­varp rík­is­stjórn­ar­innar um lög á kjara­deilur og frestun á verk­föllum hjúkr­un­ar­fræð­inga og félaga innan BHM á þing­inu, jafn­vel þótt ekki sé enn búið að mæla fyrir frum­varp­inu. Gunnar Bragi Sveins­son, utan­rík­is­ráð­herra, var fyrstur stjórn­ar­liða til að tjá sig um málið undir liðnum fund­ar­stjórn for­seta. Hann brást ókvæða við gagn­rýni stjórn­ar­and­stöð­unn­ar, sem hefur sagt málið sví­virðu, frá­leitt og ein­hverjir talað um kjark­leysi stjórn­ar­inn­ar. Gunnar Bragi hóf ræðu sína á að segja það gaman að sjá að stjórn­ar­and­staðan nyti þess að vera í sviðs­ljós­inu því það hefði hún ekki gert þegar hún sjálf hafi sett lög á verk­fall flug­virkja. Gunn­ari Braga var svo mjög heitt í hamsi þegar hann sagði eft­ir­far­andi, en gríð­ar­lega mikið var kallað fram í fyrir honum eins og heyra má í þessu mynd­bandi.

„Svo tala menn um kjark­leysi hér. Hver var það sem þorði að standa uppi í hár­inu á kröfu­höf­un­um? Ekki hátt­virtur þing­maður Össur Skarp­héð­ins­son. Hver var það sem þorði að taka á Ices­a­ve? Ekki hátt­virtur þing­maður Sig­ríður Ingi­björg Inga­dótt­ir. Og hver þorði að lækka lán heim­il­anna? Ekki Sam­fylk­ing og ekki Vinstri græn. Hvar er kjark­ur­inn? Hvar er kjark­ur­inn? Hræsni stjórn­ar­and­stöð­unnar er það sem stendur upp úr og hefur alltaf gert.“