Frétt um „stórfurðu­lega“ skipan Stef­áns Eiríks­son­ar, þáver­andi lög­reglu­stjóra höf­uð­borg­ar­svæð­is­ins í nefnd sem átti að meta hæfni umsækj­enda um stöðu seðla­banka­stjóra, er frétt árs­ins á hinum virta vef Central Bank­ing. Vef­ur­inn birti í gær lista yfir helstu fréttir árs­ins að hans mati.

Fréttin sem um ræðir snérist um skipan hæf­is­nefndar sem sett var á lagg­irnar til að meta hæfi umsækj­enda um stöðu seðla­banka­stjóra.­Fyr­ir­sögn hennar var:

„Lög­reglu­stjóri leiðir „stórfurðu­lega" nefnd sem velur næsta seðla­banka­stjóra". Nefndin var skipuð 30. júní síð­ast­lið­inn og var skipan hennar gagn­rýnd mjög, sér­stak­lega að Stefán Eiríks­son, þáver­andi lög­reglu­stjóri höf­uð­borg­ar­svæð­is­ins, væri gerður að for­manni henn­ar. Gagn­rýnin snérist að því að Stefán sé ekki hag­fræð­ingur og sé ekki með neina starfs­reynslu úr atvinnu­líf­inu. Ein­ungis einn hag­fræð­ingur sat í þriggja manna nefnd­inni.

Listi Central Bank­ing yfir helstu fréttir árs­ins 2014.

Nóbels­verð­launa­hafar og seðla­banka­stjórar

Central Bank­ing fjall­aði um málið í byrjun júlí 2014. Þar var rætt við Guð­rúnu Johnsen, lektor við við­skipta­fræði­deild Háskóla Íslands, og Regínu Bjarna­dótt­ur, yfir­mann grein­ing­ar­deildar Arion banka, um skipan hæf­is­nefnd­ar­inn­ar. Guð­rún sagði hana skaða bæði trú­verð­ug­leika ráðn­ing­ar­ferl­is­ins og vinnu­anda í Seðla­bank­an­um. Regína sagði að skipan hæf­is­nefnd­ar­innar væri skað­leg sjálf­stæði Seðla­bank­ans.

Stefán Eiríks­son, fyrrum lög­reglu­stjóri höf­uð­borg­ar­svæð­is­ins.

Alls sóttu tíu manns um stöðu seðla­banka­stjóra þegar hún var aug­lýst í byrjun júní. Hæf­is­nefnd­in, sem Stefán leiddi, komst að þeirri nið­ur­stöðu að þrír umsækj­endur væru mjög vel hæfir til að gegna starf­inu. Þeir væru Már Guð­munds­son seðla­banka­stjóri, Frið­rik Már Bald­urs­son og Ragnar Árna­son. Bjarni Bene­dikts­son, fjár­mála- og efna­hags­ráð­herra, end­ur­skip­aði Má svo í starfið til fimm ára þann 15. ágúst.

Central Bank­ing er áskrift­ar­vefur sem fjallar um fjár­mál og efna­hags­mál, með áherslu á seðla­banka, alþjóð­legar fjár­mála­stofn­anir og infastrúktúr fjár­mála­mark­aða og reglu­gerð­ir. Vef­ur­inn er mjög virtur og mikið les­inn af fag­fólki sem vinnur í þeim geirum sem hann leggur mesta áherslu á að fjalla um. Stjórn­ar­for­maður útgáfu­fé­lags Central Bank­ing er fyrrum rit­stjóri The Banker og í ráð­gjafa­stjórn þess sitja nóbels­verð­launa­hafar í hag­fræði auk fyrrum seðla­banka­stjóra frá Asíu, Evr­ópu og Amer­íku­álf­un­um. Á meðal þeirra er Jean-Claude Trichet, sem var stýrði Seðla­banka Evr­ópu frá 2003 til 2011.