Fjár­mála­eft­ir­litið hefur kom­ist að þeirri nið­ur­stöðu að Straumur fjár­fest­inga­banki hf., Sigla ehf. og Arkur ehf., séu hæf til að fara með virkan eign­ar­hlut í MP banka hf., sem nemur 25%, sbr. VI. kafla laga nr. 161/2002. Fjár­mála­eft­ir­litið hefur metið að sam­starf sé um hinn virka eign­ar­hlut, sam­kvæmt til­kynn­ingu sem birt­ist á vef FME í gær,  á milli Straums fjár­fest­inga­banka hf., sem eign­ast hefur 19,54% í MP banka hf., Siglu ehf., sem átti fyrir 0,94% og Arks ehf., sem átti fyrir 2,56% hlut í MP banka. „Sam­starfið telst vera til staðar vegna eigna- og stjórn­un­ar­tengsla sem eru með aðil­un­um,“ segir í til­kynn­ingu frá FME.

Eins og Kjarn­inn greindi frá 6. nóv­em­ber síð­ast­lið­inn þá hafa verið þreif­ingar í gangi meðal stjórn­enda og hlut­hafa Straums, MP banka og Íslenskra verð­bréfa um að sam­eina fyr­ir­tækin þrjú í eitt. Ekk­ert liggur þó fyrir um það enn­þá.

Straumur keypt­i 64,3 pró­sent hlut Sæv­ars Helga­sonar og Ásgeirs Ásgeirs­son­ar, í gegnum félagið Gunner ehf., í Íslenskri eigna­stýr­ingu ehf., sem á 21,83 pró­sent hlut í Íslenskum verð­bréf­um.

MP banki,Líf­eyr­is­sjóður verzl­un­ar­manna (LI­VE) og félag í eigu Garð­ars K. Vil­hjálms­sonar keyptu  27,5 pró­sent hlut Íslands­banka í Íslenskum Verð­bréfum í októ­ber. ­Straumi býðst síðan að ganga inn í til­boð í aðra hluti í ÍV á grund­velli for­kaups­rétt­ar­á­kvæð­is, en mál eru þó ekki komin svo langt.