Pen­inga­stefnu­nefnd Seðla­bank­ans hefur ákveðið að halda stýri­vöxtum óbreytt­um. Til­kynnt var um ákvörðun pen­inga­stefnu­nefndar rétt fyrir klukkan níu í morg­un­. ­Meg­in­vextir Seðla­bank­ans, þ.e. eru vextir á sjö daga bundnum inn­lán­um, eru þannig áfram 5,5 pró­sent.

Grein­ing­ar­deildir Íslands­banka, Lands­bank­ans og Arion banka spáðu allar óbreyttum stýri­vöxt­um, en við síð­ustu vaxta­á­kvörðun voru þeir hækk­aðir um 0,5 pró­sent­ur. Í spám grein­ing­ar­að­ila fyrir vaxta­á­kvörðun í dag var meðal ann­ars bent á að verð­bólga í sept­em­ber var lægri en reiknað var með, en verð­bólga mæld­ist þá 1,9 pró­sent.

Í yfir­lýs­ingu pen­inga­stefnu­nefnd­ar, sem lesa má í heild hér að neð­an, segir meðal ann­ars að verð­bólga sé enn undir mark­miði Seðla­bank­ans og hefur hún auk­ist hægar en gert var ráð fyrir í síð­ustu spá bank­ans. Verð­bólgu­horfur til lengri tíma hafa þó ekki breyst umtals­vert, þótt nær­horfur séu betri. „Auk­ist verð­bólga í fram­haldi af kjara­samn­ingum svipað og spár benda til mun pen­inga­stefnu­nefndin þurfa að hækka vexti frekar eigi verð­bólgu­mark­miðið að nást til lengri tíma lit­ið. Hve mikið og hve hratt ræðst af fram­vind­unni og því hvernig greið­ist úr þeirri óvissu sem nú er til stað­ar,“ segir nefnd­in.

Þá er til­kynnt um að bindi­skylda auk­ist úr tveimur pró­sentum í fjögur pró­sent frá og með 21. októ­ber næst­kom­andi. „Er það gert til þess að auð­velda Seðla­bank­anum stýr­ingu á lausu fé í umferð í fram­haldi af miklum gjald­eyr­is­kaupum bank­ans að und­an­förnu og í tengslum við upp­gjör slita­búa gömlu bank­anna og útboð sem áformað er í því skyni að leysa út eða binda svo­kall­aðar aflandskrón­ur. Nýjar reglur um bindi­skyldu verða sendar í dag til birt­ingar í Stjórn­ar­tíð­ind­um.“

Már Guð­munds­son, seðla­banka­stjóri og for­maður pen­inga­stefnu­nefnd­ar, mun rök­styðja frekar ákvörðun nefnd­ar­innar á upp­lýs­inga­fundi sem hefst klukkan tíu. Greint verður frá efni fund­ar­ins á Kjarn­an­um.

Yfir­lýs­ing Pen­inga­stefnu­nefndar í heild:

Pen­inga­stefnu­nefnd Seðla­banka Íslands hefur ákveðið að halda vöxtum bank­ans óbreytt­um. Meg­in­vextir bank­ans, vextir á sjö daga bundnum inn­lán­um, verða því áfram 5,5.

Á fyrri hluta árs­ins var vöxtur inn­lendrar eft­ir­spurnar áþekkur því sem gert var ráð fyrir í síð­ustu spá Seðla­bank­ans, en hag­vöxtur mælist tölu­vert meiri. Þótt spá­skekkjan stafi lík­lega af tíma­bundnum þáttum er áfram útlit fyrir öfl­ugan hag­vöxt og vax­andi fram­leiðslu­spennu á næstu miss­er­um.

Verð­bólga er enn undir mark­miði Seðla­bank­ans, sér­stak­lega ef horft er fram­hjá hús­næð­islið vísi­tölu neyslu­verðs, og hefur auk­ist hægar en gert var ráð fyrir í síð­ustu spá bank­ans. Stafar það að nokkru leyti af hærra gengi krónu en sveiflu­kenndir liðir eiga þar einnig hlut að máli. Verð­bólgu­horfur til lengri tíma litið hafa því ekki breyst umtals­vert þótt nær­horfur séu betri. Nið­ur­staða kjara­samn­inga og til­tölu­lega háar verð­bólgu­vænt­ingar benda eftir sem áður til þess að verð­bólga muni aukast á næstu miss­er­um. Á móti kemur lækkun alþjóð­legs vöru­verðs og tæp­lega 4% hækkun á gengi krón­unnar frá síð­ustu vaxta­á­kvörðun þrátt fyrir mikil gjald­eyr­is­kaup Seðla­bank­ans.

Auk­ist verð­bólga í fram­haldi af kjara­samn­ingum svipað og spár benda til mun pen­inga­stefnu­nefndin þurfa að hækka vexti frekar eigi verð­bólgu­mark­miðið að nást til lengri tíma lit­ið. Hve mikið og hve hratt ræðst af fram­vind­unni og því hvernig greið­ist úr þeirri óvissu sem nú er til stað­ar. Sterk­ari króna og alþjóð­leg verð­lags­þróun hefur gefið svig­rúm til að hækka vexti aðeins hægar en áður var talið nauð­syn­legt en breytir ekki þörf fyrir aukið aðhald á næstu miss­er­um. Vaxta­fer­ill­inn mun einnig ráð­ast af því hvort öðrum stjórn­tækjum verður beitt til þess að halda aftur af eft­ir­spurn­ar­þrýst­ingi á kom­andi miss­er­um. Að teknu til­liti til hag­sveiflu felur vænt afkoma rík­is­sjóðs í ár og frum­varp til fjár­laga 2016 hins vegar í sér slökun á aðhaldi í rík­is­fjár­málum sem að óbreyttu kallar á meira pen­inga­legt aðhald en ella.

Pen­inga­stefnu­nefnd hefur ákveðið að auka bindi­skyldu úr 2% í 4% frá og með næsta bindi­skyldu­tíma­bili sem hefst 21. októ­ber nk. Er það gert til þess að auð­velda Seðla­bank­anum stýr­ingu á lausu fé í umferð í fram­haldi af miklum gjald­eyr­is­kaupum bank­ans að und­an­förnu og í tengslum við upp­gjör slita­búa gömlu bank­anna og útboð sem áformað er í því skyni að leysa út eða binda svo­kall­aðar aflandskrón­ur. Nýjar reglur um bindi­skyldu verða sendar í dag til birt­ingar í Stjórn­ar­tíð­ind­um.