Af þeim 7.700 ein­stak­lingum sem hafa leitað til VIRK starfsend­ur­hæf­ing­ar­sjóðs frá upp­hafi hafa tæp­lega 3.800 ­manns útskrif­ast úr úrræð­inu. Þrír af hverjum fjórum þess­ara ein­stak­linga eru virkir á vinnu­mark­aði, í virkri atvinnu­leit eða láns­hæfu námi.

Um 2.400 manns voru í þjón­ustu hjá ­VIRK í lok síð­asta árs. Tæp­lega 1.800 ein­stak­lingar komu nýir inn í þjón­ustu VIRK á árinu, sem eru um 9 pró­sentum fleiri en árið á und­an­. Að því er fram kemur í frétt frá VIRK eru vís­bend­ingar um að aðsókn að sjóðnum gæti verið að ná jafn­vægi eftir mik­inn vöxt síð­ustu ár.

Fram­lög dregin veru­lega saman

Kjarn­inn greindi frá því fyrir jól að VIRK muni ekki taka við ein­stak­lingum sem standa utan vinnu­mark­að­ar, eru örorku­líf­eyr­is­þegar eða skjól­stæð­ingar félags­mála­stofn­ana á árinu. Þetta var til­kynnt til Eyglóar Harð­ar­dótt­ur, félags- og hús­næð­is­mála­ráð­herra, í kjöl­far þess að fjár­lög voru sam­þykkt. Í fjár­lögum var gert ráð fyrir að fram­lag til VIRK yrðu 200 millj­ónir í ár, en sam­kvæmt lögum og samn­ingum sem hafa verið und­ir­rit­aðir átti fram­lag rík­is­ins til VIRK að vera 1,1 millj­arður króna á árinu 2015. Þar sem ekki hafi verið staðið við sam­komu­lag gæti VIRK ekki tekið ein­stak­linga í þjón­ustu sem ekki væri greitt iðgjald af.

VIRK er eini starfsend­ur­hæf­ing­ar­sjóður lands­ins og sam­kvæmt lögum eiga atvinnu­rek­end­ur, líf­eyr­is­sjóðir og íslenska ríkið að fjár­magna hann. Sjóð­ur­inn er sjálfs­eign­ar­stofnun en ekki opin­ber stofnun og því getur ríkið ekki tekið ein­hliða ákvörðun um nið­ur­skurð hans. ­Ríkið átti síð­an, sam­kvæmt lög­unum sem sam­þykkt voru árið 2012 og samn­ingum sem voru gerðir þegar VIRK var sett á fót, að greiða fram­lag til sjóðs­ins. Það fram­lag átti meðal ann­ars að fjár­magna starfsend­ur­hæf­ingu þeirra ein­stak­linga sem eru atvinnu­laus­ir, þiggja örorku­líf­eyri eða eru skjól­stæð­ingar félags­mála­stofn­ana.

Stjórn­ar­for­maður VIRK sagði í bréfi sínu til félags- og hús­næð­is­mála­ráð­herra að sjóðnum hafi verið mætt með óbil­gjörnum kröfum um mik­inn nið­ur­skurð í starf­semi, þrátt fyrir að hún hafi skilað miklum ávinn­ingi. Þá hafi virst sem svo að vara­sjóður sem byggður hafi verið upp til þess að mæta óvissri fram­tíð sjóðs­ins vera stjórn­völdum þyrnir í aug­um.

Eygló Harð­ar­dóttir sagði í kjöl­far ákvörð­unar VIRK að það væri ekki hlut­verk VIRK að safna í sjóð. Uppi væri ágrein­ingur um fram­lög þeirra þriggja aðila sem eigi að leggja sjóðnum til fé. „Ég tel eðli­legt að lækka fram­lögin þannig að ekki verði óeðli­leg sjóðs­söfn­un, aðhalds verði gætt í rekstr­inum og að allir aðil­arnir þrír greiði jafnt í sjóð­inn,“ sagði hún þá.