Hagn­aður Íslenskra verð­bréfa árið 2014 af reglu­legri starf­semi var um 130 millj­ónir króna í fyrra, sam­an­borið við 160 millj­ónir króna árið 2013.   Á árinu voru gjald­færðar 291 millj­ónir króna ­vegna upp­gjörs afleiðu­samn­inga í kjöl­far nið­ur­stöðu dóms­stóla í jan­úar á þessu ári.  „Tap varð þannig af rekstri sam­stæð­unnar á árinu 2014 upp á 118,4 millj­ónir króna ­sam­kvæmt rekstr­ar­reikn­ingi sam­an­borið við 138,3 millj­óna króna hagnað árið 2013,“ segir í til­kynn­ingu frá Íslenskum verð­bréf­um.

Hreinar rekstr­ar­tekjur árs­ins námu 539 millj­ónum króna ­sam­an­borið við 584 millj­ónum króna árið 2013.

Eigið fé í árs­lok 2014 nam 473 millj­ónum króna sam­kvæmt efna­hags­reikn­ingi og eig­in­fjár­hlut­fall sam­stæð­unnar í árs­lok 22,6%.

Heild­ar­eignir félags­ins í stýr­ingu voru þær sömu í lok árs og í upp­hafi þess, segir í til­kynn­ingu, og stýrir félagið nú 112 millj­örðum króna fyrir ein­stak­linga, félaga­sam­tök og fag­fjár­festa.  Alls voru rúm­lega tvö þús­und ein­stak­lingar og lög­að­ilar með fjár­muni í eigna­stýr­ingu og vörslu hjá félag­inu.

Nýr fram­kvæmda­stjóri tekur við

Í des­em­ber á síð­asta ári fékk Straumur fjár­fest­ing­ar­banki hf., ásamt Íslenskri eigna­stýr­ingu ehf.,  heim­ild frá FME til þess að fara með yfir 50% eign­ar­hlut í félag­inu, eins og greint hefur verið frá á vef Kjarn­ans. „Við það var ákveð­inni óvissu sem verið hafði um eign­ar­hald félags­ins eytt,“ segir í til­kynn­ingu.

Stjórn félags­ins réð Sig­þór Jóns­son, sem áður var starfs­maður Straums, sem fram­kvæmda­stjóra í febr­úar síð­ast­liðn­um.

Sig­þór seg­ist í til­kynn­ingu ver­a á­nægður með rekstur félags­ins á árinu 2014. „Við getum ekki annað en verið nokkuð sátt við þessa nið­ur­stöðu, ekki síst þegar horft er til þeirrar óvissu sem hefur ríkt um eign­ar­hald og fram­tíð­ar­sýn félags­ins,“ segir Sig­þór. Hann segir gott og traust orð­spor félags­ins, vera aðals­merki þess.  „­Starf­semi Íslenskra verð­bréfa felst ein­göngu í því að gæta hags­muna við­skipta­vina sinna en félagið stundar hvorki útlána­starf­semi né fjár­festir fyrir eigin reikn­ing.”

Sig­þór bætir við að árið hafi verið við­burð­ar­ríkt hjá Íslenskum verð­bréf­um. „Mik­ill kraftur er í starf­semi félags­ins nú um stund­ir, stofn­aðir voru tveir nýir sjóðir á árinu 2014 og er aukin þjón­usta í þróun hjá félag­inu sem verður kynnt fjár­festum á næstum mán­uð­um. Rekstur sjóða og safna gekk almennt vel á árinu og skil­uðu þeir hagn­aði fyrir við­skipta­vini félags­ins.  Fram­tíðin er því bæði björt og spenn­andi fyrir við­skipta­vini félags­ins,“ segir í til­kynn­ingu frá félag­inu.