„Þetta sýnir að stjórn­ar­flokk­arnir ráða ekki við að standa að sátt um skyn­sam­lega fram­tíð­ar­stefnu fyrir sjáv­ar­út­veg­inn sem byggir á grund­vall­ar­regl­unni um eign­ar­hald þjóð­ar­innar á auð­lind­inni. Þetta er algert skip­brot.“ Þetta segir Árni Páll Árna­son, þing­maður og for­maður Sam­fylk­ing­ar­inn­ar, í ljósi tíð­inda af því að ekki sé von á frum­varpi um breyt­ingar á stjórn fisk­veiða á yfir­stand­andi þingi, og bara alls ekki að óbreyttu.

Í sam­tali við RÚV segir Sig­urður Ingi Jóhanns­son, sjáv­ar­út­vegs­ráð­herra, að vegna ágrein­ings milli stjórn­ar­flokk­anna um hver skuli fara með for­ræði yfir kvót­anum sé ekki von á nýju kvóta­frum­varpi nema for­sendur breyt­ist. Málið sé komið á enda­stöð. Hins vegar verði frum­varp um veiði­gjöld tekið fyrir á vor­þingi sem verði lagt fram fljót­lega.

Árni Páll gagn­rýnir rík­is­stjórn­ar­flokk­ana harð­lega fyrir að hafa ekki náð sátt um breyt­ingar á fisk­veiði­stjórn­un­ar­kerf­inu. „Eina sem stjórn­ar­flokk­arnir virð­ast ráða við er að lækka veiði­gjöldin þvert á ráð­gjöf sér­fræð­inga og einka­væða auð­lind­ina. Afleið­ingin er óvissa í grein­inni sem dregur úr fjár­fest­ingum og spillir fram­tíð­ar­horfum henn­ar, eins og (Kol­beinn Árna­son) fram­kvæmda­stjóri Sam­taka fyr­ir­tækja í sjáv­ar­út­vegi rakti svo ágæt­lega í kvöld­fréttum RÚV.“