Þing­fund­ur, sem áætlað var að hæf­ist á Alþingi klukkan tíu í morg­un, er enn ekki haf­inn. Nú er áætlað að fund­ur­inn hefj­ist klukkan 11.30. Á fund­inum verður lagt fram frum­varp rík­is­stjórn­ar­innar um að verk­föllum hjúkr­un­ar­fræð­inga og félaga innan BHM verði frestað til 1. júlí næst­kom­andi.

For­menn allra þing­flokka og for­seti Alþingis fund­uðu í morgun um málið en stjórn­ar­and­staðan vildi ekki fall­ast á að þing­fundur hæf­ist klukkan tíu eins og boðað hafði ver­ið. Katrín Júl­í­us­dótt­ir, vara­for­maður Sam­fylk­ing­ar­inn­ar, segir í sam­tali við RÚV að engin svör hafi feng­ist um það hver for­gangs­mál þings­ins séu og því sé ekk­ert sam­komu­lag um það hvar á dag­skránni frum­varpið sem fresta á verk­föll­unum verð­ur. Þetta stað­festi Einar K. Guð­finns­son, for­seti Alþing­is.

Sig­urður Ingi Jóhanns­son, sjáv­ar­út­vegs- og land­bún­að­ar­ráð­herra, mun flytja frum­varpið að því er Morg­un­blaðið greindi fyrst frá í morg­un. Þetta varð nið­ur­staðan eftir ágrein­ing milli odd­vita Sjálf­stæð­is­flokks­ins og Fram­sókn­ar­flokks­ins um það hvaða ráð­herra skyldi flytja frum­varp­ið. Ef það gengur eftir mun það vera í fyrsta sinn sem for­sæt­is­ráð­herra flytur ekki slíkt frum­varp, sem snertir margar starfs­stétt­ir.

For­menn stjórn­ar­and­stöðu­flokk­anna hafa tjáð sig um frum­varp rík­is­stjórn­ar­innar á Face­book-­síðum sínum í morg­un. Árni Páll Árna­son, for­maður Sam­fylk­ing­ar­inn­ar, segir þar að það sé til að bíta höf­uðið af skömminni að neita fjöl­mennri kvenna­stétt um sam­bæri­lega leið­rétt­ingu og gró­inni karla­stétt, lækn­um, á 100 ára afmæli kosn­inga­réttar kvenna og 40 ára afmæli kvenna­frí­dags­ins. Heil­brigð­is­starfs­fólk sé allt með alþjóð­lega menntun sem spurn sé eftir erlend­is, og aldrei hafi getað farið öðru­vísi en illa þegar samið var við lækna. „Við getum ekki brotið upp vinnu­mark­að­inn og veitt fámennum hópi for­rétt­inda­stöðu en látið fjöld­ann bera tjónið af krón­unn­i.“

„Í fjórða sinn á þessu kjör­tíma­bili leggur rík­is­stjórnin fram frum­varp um laga­setn­ingu á verk­fall. Á sama tíma og stjórn­völd telja sig ekki hafa svig­rúm til að semja við opin­bera starfs­menn boða þau skatta­lækk­anir í anda nýfrjáls­hyggj­unn­ar. Þetta sýnir for­gangs­röðun stjórn­valda,“ skrif­aði Katrín Jak­obs­dótt­ir, for­maður VG. Guð­mundur Stein­gríms­son, for­maður Bjartrar fram­tíð­ar, lagði til að frekar yrðu sett lög á rík­is­stjórn­ina.

Nokkur hund­ruð manns eru á mót­mæla­fundi vegna frum­varps­ins á Aust­ur­velli. Mót­mæl­endur hyggj­ast mæta á þing­palla þegar fund­ur­inn hefst.

Upp­fært kl. 11.05: Búið er að ákveða að þing­fundur hefj­ist klukkan 11.30 og var þeim upp­lýs­ingum bætt inn í frétt­ina.