Rúm­lega tíu pró­sent íbúa á Íslandi fædd­ust í öðru landi. Á lista Sam­ein­uðu þjóð­anna um hlut­fall inn­flytj­enda í löndum heims­ins er Ísland í 89. sæti af 232 ríkj­um. Næst á eftir Íslandi á lista koma Belgía, Græn­land og Dan­mörk en í síð­ast nefnda land­inu er hlut­fallið 9,9 pró­sent.

Frétta­síðan FiveT­hir­tyEight birti nýlega umfjöllun um hlut­fall inn­flytj­enda í ríkjum heims­ins sem byggir á nýj­ustu gögnun Sam­ein­uðu þjóð­anna frá 2013. Fram kemur að í heild hefur hlut­fallið lítið breyst frá 1960. Þá bjuggu 2,6 pró­sent jarð­ar­búa í öðru landi en það fædd­ist í. Sama hlut­fall árið 2013 var 3,2 pró­sent.

Efst ríkja á list­anum er Vatíkanið en allir íbúar rík­is­ins eru inn­flytj­end­ur, það er þeir fædd­ust í öðru ríki. Í Sam­ein­uðu arab­ísku fursta­dæm­unum er hlut­fall inn­flytj­enda 83,7 pró­sent en stór hlut­fall vinnu­afls þar er frá öðrum lönd­um.

Anstæð­urnar eru algjörar á lista Sam­ein­uðu þjóð­anna. Í Kína, á Kúbu, í Indónesíu, á Madaga­skar og í Víetnam er hlut­fall inn­flytj­enda af íbúa­fjölda um 0,1 pró­sent.

Ef litið er sér­stak­lega til nágranna­ríkja Íslands þá er hlut­fallið efst í Sví­þjóð, eða 15,9 pró­sent. Í Nor­egi er það 13,8 pró­sent og í Finn­landi 5,4 pró­sent. Í Dan­mörku er hlut­fallið 9,9 pró­sent og 10,4 pró­sent á Íslandi.

Umfjöllun FiveT­hir­tyEight.