Inn­flutn­ingur á sjón­varps­tækjum er tvö­falt meiri á fyrstu sex mán­uðum árs­ins í sam­an­burði við fyrstu sex mán­uði árs­ins 2014. Inn­flutn­ingur á hljóð­varpstækjum hefur auk­ist um 46 pró­sent, á kæli- og frysti­tækjum um 73 pró­sent og á fólks­bílum um 34 pró­sent. Auk­inn kaup­mátt­ur, fjölgun ferða­manna, sterkara raun­gengi og lækkun vöru­gjalda á raf­tækjum hefur vafa­laust haft sitt að segja, að mati grein­ing­ar­deildar Arion banka sem fjallar í dag um aukin umsvif í inn- og útflutn­ingi.

Inn­flutn­ingur á fyrstu sex mán­uðum árs­ins sam­an­borið við fyrstu sex mán­uði árs­ins 2014. Myndin er fengin úr Mark­aðs­punktum grein­ing­ar­deildar Arion banka.

„Aukin umsvif eru í hag­kerf­inu um þessar mund­ir, nær sama hvert litið er. Utan­rík­is­verslun er þar engin und­an­tekn­ing en á fyrri helm­ingi árs­ins hefur inn­flutn­ingur auk­ist um 23% milli ára á föstu gengi og útflutn­ingur auk­ist um 25%,“ segir í Mark­aðs­punktar grein­ing­ar­deild­ar­inn­ar. Kjarn­inn fjallað var um vöru­skiptin í síð­ustu viku.

Stærstur hluti aukn­ing­ar­innar á inn­flutn­ingi er vegna hrá­vara og rekstr­ar­vara. Inn­flutn­ingur á þessu vöru­flokkum jókst um 25 millj­arða í sam­an­burði við fyrri helm­ing árs 2014. Þar af eru 13 millj­arðar til­komnir vegna auk­ins inn­flutn­ings á súráli, sem ál er unnið úr. „Aukn­ing á inn­flutn­ingi súráls hefur verið meiri en aukn­ing útflutn­ings á áli í tonnum talið, eða 17% og t.d. var inn­flutn­ingur á súráli í júní nærri því tvö­falt meiri en í júní í fyrra ann­ars vegar og í maí síð­ast­liðnum hins veg­ar. Þá hefur inn­flutn­ingur á fjár­fest­inga­vörum einnig auk­ist. Upp­gangur í íbúða­fjár­fest­ingu sést þegar rýnt er nánar í töl­urn­ar, en t.a.m. var flutt inn tvö­falt meira af þakjárnum og 25% meira af rúðu­glerum á fyrri helm­ingi árs­ins sam­an­borið við fyrri helm­ing árs­ins 2014,“ segir grein­ing­ar­deild Arion banka.

Sjáv­ar­af­urðir og ál skýra stærstan hluta aukn­ingar á verð­mæti útflutn­ings. Verð­mæti sjáv­ar­af­urða hefur auk­ist um 26 pró­sent, að mestu leyti vegna hærra verðs. Bent er á í grein grein­ing­ar­deild­ar­innar að útflutn­ingur hafi þó einnig auk­ist í tonnum talið um tæp­lega 19.000 tonn, eða um 6 pró­sent. Á milli tíma­bil­anna hefur verð­mæti áls síðan auk­ist um 46 pró­sent. Það jafn­gildir um 40 millj­örðum króna. „Samt hefur heims­mark­aðs­verð áls á fyrri helm­ingi árs­ins verið að með­al­tali svipað og á sama tíma í fyrra og útflutt magn áls aðeins auk­ist um 6% milli ára. Lík­legt er að styrk­ing banda­ríkja­doll­ars hafi aukið útflutn­ings­verð­mæti áls í krónum talið, en krónan hefur á árinu verið að jafn­aði 18% veik­ari gagn­vart doll­arnum heldur en í fyrra. Það dugir þó ekki til að útskýra 38% hækkun á útflutn­ings­verð­i.“