Fram­lög rík­is­sjóðs til fram­kvæmda við iðn­að­ar­svæði á Bakka í Norð­ur­þingi hækka um 1,5 millj­arða króna, sam­kvæmt fjár­lögum sem kynnt voru í gær. Kostn­aður við ganga­gerð og veg­teng­ingu við iðn­að­ar­svæðið er 1,3 millj­arði hærri en kostn­að­ar­á­ætlun Vega­gerð­ar­innar gerði ráð fyr­ir. Þegar Alþingi veitti iðn­að­ar­ráð­herra heim­ild til að semja við Vega­gerð­ina um fram­kvæmd­ina var gert ráð fyrir að kostn­aður yrði 1,8 millj­arðar króna. Nú hljóðar áætl­unin upp á 3,1 millj­arð króna. Skýr­ingin er sögð sú að í kostn­að­ar­á­ætlun Vega­gerð­ar­innar sem lögin byggð­ust á voru mann­virki óhönnuð og kostn­aður við hefð­bund­inn veggöng stað­færður yfir á þessi göng. Frétta­stofa RÚV greinir frá.

Í fjár­laga­frum­varp­inu er gerð til­laga um 640 millj­óna króna tíma­bundið fram­lag vegna við­bót­ar­kostn­aðar við ganga­gerð og veg­teng­ingu auk þess sem tíma­bundið fram­lag upp á 850 millj­ónir króna, sem veitt var á síð­ustu fjár­lög­um, verði fram­lengt um eitt ár.

Það er þýska fyr­ir­tækið PCC sem áformar að byggja kís­il­verk­smiðju á Bakka. Í maí síð­ast­liðnum var greint frá nið­ur­stöðu á athugun Eft­ir­lits­stofn­unar EFTA (ESA) um að samn­ingar Lands­virkj­unar og Lands­nets við félagið PCC Bakki Sil­icon, um kaup og flutn­ing raf­orku, feli ekki í sér rík­is­að­stoð.