Kostn­aður vegna gerðar Vaðla­heið­ar­ganga er tal­inn fara 1.500 millj­ónir fram úr áætl­un. Þetta er mat stjórnar Vaðla­heið­ar­ganga í svari við fyr­ir­spurn fjár­laga­nefndar Alþing­is, en það kemur fram í Morg­un­blað­inu í dag.

Ríkið lán­aði Vaðla­heið­ar­göngum 8.700 millj­ónir króna á 3,7 pró­senta verð­tryggðum vöxt­um, og það fé átti að duga fyrir stofn­kostn­aði. Umfram­kostn­að­ur­inn er orð­inn 900 millj­ónum hærri en allt eigið fé félags­ins og ef fer sem horfir mun lánið ekki duga.

Guð­laugur Þór Þórð­ar­son, þing­maður Sjálf­stæð­is­flokks­ins og vara­for­maður fjár­laga­nefnd­ar, segir að kostn­að­ur­inn fari lík­lega 14 pró­sent fram úr áætlun og þá þurfi aukið fé til að klára. „Stjórn fyr­ir­tæk­is­ins á þó eftir að fara betur yfir málin og mun skila end­ur­bættri rekstr­ar­á­ætlun í haust og þá mun staðan skýr­ast bet­ur,“ segir Guð­laugur Þór við Morg­un­blað­ið.

Hann segir alveg ljóst að ekki hafi verið vandað til verka við und­ir­bún­ing gangn­anna af hálfu stjórn­valda. Gagn­rýni hafi komið fram en ekki hafið verið hlust­að. Nú sé komið í ljós að gagn­rýnin hafi verið rétt­mæt.

Þessi aukni kostn­aður er kom­inn til vegna vatnsleka í báðum endum gang­anna, Eyja­fjarð­ar- og Fnjóska­dals­meg­in. Vinna hófst á ný í lok maí eftir langt stopp vegna vatnsleka og erfitt er að segja til um verk­lok að sögn stjórn­ar­inn­ar.