Álögð veiði­gjöld á næsta fisk­veiði­ári verða 9,6 millj­arðar og hækka um 12 pró­sent, eða úr um 8,5 millj­örðum frá yfir­stand­andi fisk­veiði­ári. Meiri­hluti atvinnu­vega­nefndar sam­þykkti á fundi sínum í morgun til­lögur um hækkun veiði­gjalda. Jón Gunn­ars­son, for­maður nefnd­ar­inn­ar, segir hækk­un­ina vera í sam­ræmi við almennan afkomu­bata í grein­inni.

Fisk­veiði­árið hefst 1. sept­em­ber. Veiði­gjöld vegna fisk­veiði­árs­ins 2013 til 2014 voru 9,2 millj­arðar króna og árið áður voru þau 12,8 millj­arðar króna. Frum­varpið sem um ræður nú var lagt fram af Sig­urði Inga Jóhanns­syni sjáv­ar­út­vegs­ráð­herra í apríl síð­ast­liðn­um.

Í sam­tali við Kjarn­ann segir Jón að nokkrar breyt­ingar hafi verið gerðar á álögðum veiði­gjöldum eftir útgerð­ar­flokk­um. Helsta vanda­mál við álagn­ingu veiði­gjalda sé skortur á nýlegum upp­lýs­ingum á afkomu útgerða. Vinna nefnd­ar­innar sýni að hún eigi í erf­ið­leikum með að fá góðar upp­lýs­ingar í nútíma til að vinna áætl­an­ir, þannig að gjöldin hald­ist í sam­hengi við afkomu grein­ar­innar bæði milli ára og milli mis­mun­andi útgerð­ar­flokka. „Við erum því að sækja með þessu frum­varpi heim­ildir til frek­ari gagna­öfl­unar í gegnum skatt­skýrslur þess­ara fyr­ir­tækja. Heim­ildir sem þessar hafa ekki legið fyrir og hefur vantað við þessa vinnu síð­ustu sex til sjö ár. Það er við­mið sem við þurfum að hafa til að geta stundað álagn­ingu veiði­gjalda,“ segir Jón og vísar til þess að þegar veiði­gjöld eru ákveðin þá liggja ekki fyrir nýj­ustu afkomu­tölur held­ur.

Spurður um fram­hald máls­ins segir Jón að það muni fá sína umræðu í þing­inu en frum­varpið fer nú í 2. umræðu. „Það kemur í ljóst hvort þetta veðri nið­ur­staðan eða frek­ari breyt­ingar verði gerðar á mál­inu. En þessar breyt­ingar sem við gerum eru gerðar eftir ítar­lega yfir­leg­u,“ segir Jón.