Vig­dís Hauks­dótt­ir, þing­maður Fram­sókn­ar­flokks­ins og for­maður fjár­laga­nefnd­ar, vill að það verði skoðað af fullri alvöru að afnema íviln­anir í ferða­þjón­ustu. Þannig verði virð­is­auka­skattur á ferða­þjón­ustu færður upp í efra þrep, með tveggja ára aðlög­un­ar­tíma. Þetta kemur fram í Frétta­blað­inu í dag.

Með því að veita aðlög­un­ar­tíma á gild­is­töku breyt­ing­anna myndu verð­skrár halda sér og ekki verða for­sendu­brestur hjá ferða­þjón­ustu­að­il­um, segir Vig­dís.

„Þegar ákveðið var að virð­is­auka­skattur á ferða­þjón­ustu yrði í lægra þrepi var það til þess að lyfta atvinnu­grein­inni upp og koma henni í funk­sjón,“ segir Vig­dís, en nú sé greinin orðin svipað stór og sjáv­ar­út­vegur í veltu og þá þurfi að hugsa málin upp á nýtt.

Hún seg­ist jafn­framt vera tals­maður þess að tekið verði upp komu­gjald til lands­ins, og segir að ákvörðun um það verði helst að taka í næstu fjár­lög­um. Slíkt gjald ætti að vera eyrna­merkt til upp­bygg­ingar ferða­manna­stað­ar. Hún seg­ist jákvæð fyrir því að gjaldið myndi skipt­ast á milli rík­is­ins og sveit­ar­fé­laga.

Vig­dís leggur áherslu á það að áður en ráð­ist yrði í aðgerðir af þessu tagi þurfi að vera búið að ljúka heild­ar­út­tekt á þörf fyrir upp­bygg­ingu. Þannig verði fé til ferða­manna­staða best nýtt ef upp­bygg­ing grund­vall­ast á slíku mati, og fyrst verði farið í upp­bygg­ingu þeirra staða sem þurfa mest á að halda.