Vig­dís Hauks­dótt­ir, þing­maður Fram­sókn­ar­flokks­ins og for­maður fjár­laga­nefnd­ar, kallar Láru Hönnu Ein­ars­dóttur viðr­ini, seg­ist aldrei hafa botnað í andúð hennar gagn­vart sér og að Lára Hanna hafi lagt af stað í land­vinn­inga "við­bjóðs­leik­ans" vegna þess að Sam­fylk­ingin og Björt fram­tíð séu nú að "skrapa botn­inn". Þetta kemur fram í stöðu­upp­færslu sem Vig­dís setti á Face­book í dag. Lára Hanna hélt lengi úti bloggi á Eyj­unni, hefur árum saman verið iðinn við að klippa saman mynd­bönd um þjóð­fé­lags­mál og taka þátt í þjóð­fé­lags­um­ræðu á sam­fé­lags­miðl­um. Þar hefur hún verið gagn­rýnin á sitj­andi stjórn­völd.

Vig­dís segir í stöðu­upp­færsl­unni að "á sunnu­dag­sköldi um miðja ágúst 2015 spettur þetta viðr­ini upp Lára Hanna Ein­ars­dóttir og ræðst á mig - einu sinni enn - hef aldrei hitt þessa konu og hef aldrei botnað í andúð hennar gagn­vart mér og Fram­sókn­ar­flokks­ins - en blogg­her­inn commenterar og commenterar - já ég vei Sam­fylk­ing og Björt fram­tíð skrapa botn­inn nú um stundir - þá er "lagt af stað í land­vinn­inga" við­bjóðs­leik­ans - ég full­yrði að ENGIN eft­ir­spurn sé eftir þessum svarta sjúk­leika sem birt­ist í face­book­færslu áður­nefndar konu - megum við öll eiga fal­legt og jákvætt sunnu­dags­kvöld og góða vinnu­viku framundan - ham­ingjan er hér."

Færslan sem Vig­dís hlekkjar á er hins vegar frá því í ágúst 2013, og því tveggja ára göm­ul. Hana má sjá hér að neð­an.