Korta­þjón­ustan hf. hefur óskað eftir því við fjár­mála­eft­ir­litið að hæfi átta stjórn­enda Borg­un­ar, Valitors, Arion banka, Lands­bank­ans og Íslands­banka. Meðal stjórn­end­anna eru banka­stjórar allra stóru bank­anna, Birna Ein­ars­dóttir hjá Íslands­banka, Hösk­uldur Ólafs­son hjá Arion banka og Stein­þór Páls­son hjá Lands­bank­an­um.

Korta­þjón­ustan telur að stjórn­end­urnir upp­fylli ekki hæf­is­skil­yrði laga um fjár­mála­fyr­ir­tæki vegna þess að þeir stýrðu fyr­ir­tækj­unum þegar þar voru ástunduð sam­keppn­islaga­brot gagn­vart Korta­þjón­ust­unni, og stýra þeim enn. Búið er að gera sátt vegna þess­ara sam­keppn­islaga­brota og þau hafa verið við­ur­kennd.

„Lög um fjár­mála­fyr­ir­tæki setja ákveðin skil­yrði fyrir hæfi stjórn­ar­manna og fram­kvæmda­stjóra fjár­mála­fyr­ir­tækja. Umrædd sam­keppn­islaga­brot voru mjög alvar­leg, umfangs­mikil og áttu sér stað yfir langt tíma­bil sam­kvæmt ákvörð­unum Sam­keppn­is­eft­ir­lits­ins. Korta­þjón­ustan telur því fullt til­efni til að Fjár­mála­eft­ir­litið kanni hvort aðkoma við­kom­andi stjórn­enda að brot­unum geri þá óhæfa til að stýra fjár­mála­fyr­ir­tækj­u­m,“ segir í yfir­lýs­ingu frá Jóhann­esi Inga Kol­beins­syni, fram­kvæmda­stjóra Korta­þjón­ust­unn­ar.

Aðrir stjórn­endur sem Korta­þjón­ustan vill að verði skoð­aðir eru stjórn­ar­for­menn bank­anna þriggja og Valitors auk Hauks Odds­sonar fram­kvæmda­stjóra Borg­unar og Við­ars Þor­kels­sonar fram­kvæmda­stjóra Valitors.

Hafa gert sátt um greiðslu hárra bóta

Va­litor, Borgun og Greiðslu­veitan sam­þykktu að greiða Korta­þjón­ust­unni 250 millj­ónir króna sátta­greiðslu vegna tjóns sem Korta­þjón­ustan varð fyrir á árunum 2002 til 2006 vegna sam­keppn­islaga­brota ­fyr­ir­tækj­anna. Þetta var sam­þykkt í mars síð­ast­liðn­um.

Í des­em­ber í fyrra var greint frá því að ­Arion banki, Íslands­banki, Lands­bank­inn og greiðslu­korta­fyr­ir­tækin Borgun og Valitor hefðu fall­ist á að greiða 1,6 millj­arða króna sekt til Sam­keppn­is­eft­ir­lits­ins vegna rann­sóknar eft­ir­lits­ins á sam­keppn­is­hömlum á greiðslu­korta­mark­aði. Fyr­ir­tækin við­ur­kenndu að hátt­semi þeirra hafi hvorki verið í sam­ræmi við sam­keppn­is­lög né EES-­samn­ing­inn.

Greiðslur bóta fyr­ir­tækj­anna vegna brota nema sam­tals 2.855 millj­ónum króna, að því er fram kemur í erindi Korta­þjón­ust­unnar til fjár­mála­eft­ir­lits­ins. Brotin hafi því skaðað fjár­mála­fyr­ir­tækin sem stjórn­end­urnir starfa hjá.