For­menn stjórn­and­stöðu flokk­anna leggja til að skipuð verða sátta­nefnd í deilu stjórn­valda við lækna, um kaup og kjör. Þetta kemur fram í sam­eig­in­legri yfir­lýs­ingu for­manna flokk­anna, Árna Páls Árna­sonar Sam­fylk­ingu, Guð­mundar Stein­gríms­sonar Bjartri fram­tíð­ar, Katrínar Jak­obs­dóttur Vinstri grænum og Birgittar Jóns­dóttur fyrir hönd Pírata.

„Lausn kjara­deilu rík­is­ins og lækna þolir enga bið. Ótal rann­sókn­um, aðgerðum og sjúkra­húskomum hefur verið frestað, biðlistar hrann­ast upp og ein­stakir læknar segja upp störf­um. Hertar verk­falls­að­gerðir eru boð­aðar eftir ára­mót. For­stjóri Land­spít­al­ans segir rétti­lega lausn deil­unnar vera mik­il­væg­asta verk­efni þjóð­ar­inn­ar. Rík­is­stjórnin virð­ist ráð­laus í deil­unni. Brúa verður það bil sem er á milli afstöðu lækna og rík­is­ins. Lands­menn eiga heimt­ingu á því að stjórn­völd geri allt sem mögu­legt er að til að greiða fyrir lausn deil­unn­ar,“ segir í yfir­lýs­ing­unni.

Í yfir­lýs­ing­unni er vitnað til laga um stétt­ar­fé­lög og vinnu­deil­ur, þar sem rík­is­stjórnin getur blandað sér í deilur sem geta haft mjög alvar­legar afleið­ingar með skipan sátta­nefndar í sam­ráði við rík­is­sátta­semj­ara og deilu­að­ila.

„Við for­menn Sam­fylk­ing­ar, Vinstri grænna, Bjartrar fram­tíðar og Pírata hvetjum rík­is­stjórn­ina til að hug­leiða beit­ingu þessa úrræðis og ræða við rík­is­sátta­semj­ara um hvort þessi leið geti auð­veldað það verk­efni að brúa bil milli aðila. Það er ekki hægt að sitja með hendur í skauti við þessar aðstæð­ur,“ segir í yfir­lýs­ing­unni.