Vinstri græn lýsa yfir stuðn­ingi við launa­kröfur verka­lýðs­hreyf­ing­ar­innar fyrir kom­andi kjara­samn­inga, ekki síst „rétt­látar kröfur um hækkun lægstu taxta“. Lág­marks­laun dag­vinnu dugi ekki fyrir brýn­ustu nauð­synjum á Íslandi en „í góðu sam­fé­lagi verður fólk að get lifað af dag­vinnu­launum sín­um“.

Þetta kemur fram í ályktun sem var sam­þykkt á flokks­ráðs­fundi flokks­ins í dag.

Í ályktun fund­ar­ins kemur fram að tek­ist verði á um lág­launa­stefn­una í kom­andi kjara­samn­ing­um, og það stefni í hörð átök. „Lág­launa­stefnan er grund­vall­ar­þáttur í bágum kjörum almenn­ings. [...] En ýmis­legt fleira kemur til, svo sem ófremd­ar­á­stand á hús­næð­is­mark­aði, aukin kostn­að­ar­þátt­taka í heil­brigð­is- og mennta­kerf­inu og stytt­ing atvinnu­leys­is­bóta­tíma­bils­ins og ófull­nægj­andi líf­eyr­ir.“

For­maður flokks­ins, Katrín Jak­obs­dótt­ir, ræddi einnig um málið í Viku­lok­unum á Rás 1 í morgun. Þar lýsti hún því yfir að hún styddi fylli­lega við kröfur um 300 þús­und króna lág­marks­laun innan þriggja ára. „Stöð­ug­leik­inn má ekki snú­ast um það að halda þessum lægst­laun­uðu stéttum niðri.“