Fjöldi fram­kvæmda­stjóra íslenskra fyr­ir­tækja sem eru skráðir með lög­heim­ili í öðrum löndum en Íslandi hefur auk­ist um 43 pró­sent frá árinu 2010 og rúm­lega þre­fald­ast frá árinu 2009. Alls eru þeir 1.009, búa í alls 62 löndum og starfa hjá alls 1.267 ólíkum félög­um. Á meðal þeirra eru stjórn­endur nokk­urra af stærstu félögum lands­ins en flestir þeirra eru skráðir fram­kvæmda­stjórar eins eða fleiri einka­hluta­fé­laga. Þetta kemur fram í tölum sem Credit­info hefur tekið saman fyrir DV og blaðið segir frá í dag.

Á meðal þeirra sem eru með lög­heim­ili sitt skráð erlendis eru margir þekktir athafna­menn, fjár­festar og stjórn­endur stórra fyr­ir­tækja. Þar má nefna Jón Sig­urðs­son (for­stjóra Öss­ur­ar), Birgi Þór Bielt­vedt (annan eig­anda Dom­in­o´s á Ísland­i), Skúla Mog­en­sen (eig­andi WOW air og stór hlut­hafi í MP Straumi), mæðginin Ingi­björgu Pálma­dóttur (aðal­eig­andi 365 miðla) og Sig­urð Pálma Sig­ur­björns­son (m.a. fram­kvæmda­stjóri Sports Direct á Ísland­i), Björgólf Thor Björg­ólfs­son (einn rík­asti maður heims og meðal hlut­hafa í ýmsum íslenskum fyr­ir­tækj­um, m.a. NOVA og CCP), Jón Ólafs­son (lengi kenndur við Skíf­una en nú kall­aður vatns­bónd­i), Hjálmar Gísla­son (stofn­andi Data­mar­ket og hlut­hafi í Kjarn­an­um), bræð­urna Águst og Lýð Guð­munds­syni( hlut­hafa og stjórn­endur hjá Bakka­vör Group) og Jón Helga Guð­munds­son (oft­ast kenndur við Byko).

Auk þess eru ýmsir aðrir ein­stak­lingar sem lengi hafa verið fyr­ir­ferða­miklir í íslensku við­skipta­lífi skráðir með lög­heimi erlend­is. Á meðal þeirra er Jón Ásgeir Jóhann­es­son, en hann er ekki skráður fram­kvæmda­stjóri í neinu íslensku félagi og kemst því ekki á list­ann.

Allar skatt­greiðslur þeirra sem dvelja 183 daga eða lengur á Íslandi á ári eiga að renna til íslenska rík­is­ins. Stein­þór Har­alds­son, lög­fræð­ingur og stað­geng­ill Rík­is­skatt­stjóra, segir við DV að virkt eft­ir­lit­lit sé með því hvort íslenskir rík­is­borg­arar búsettir erlendir dvelja hér­lendis lengur en það á tólf mán­aða tíma­bili, aðal­lega í gegnum skrán­ingu. Hins vegar sé emb­ætti með fámenna alþjóða sem hafi mörgun öðrum verk­efnum að sinna. Því sé alltaf spurn­ing hvað sé nægi­legt eft­ir­lit.