Nemar við efna­fræði- og verk­fræði­deild Norð­ur­-Kar­ólín­u­há­skóla í Banda­ríkj­unum hafa þróað nýtt vopn í bar­átt­unni gegn kyn­ferð­is­­of­beldi. Um er að ræða nagla­lakk sem greinir hvort nauðg­un­ar­lyfjum hefur verið laumað út í drykki.

Fjöl­mörg dæmi eru um að ofbeld­is­­menn hafi laumað lyfjum á borð við Rohypnol, Xanax og GHB í drykki kvenna á skemmti­stöðum til þess að koma fram vilja sín­um, en lyfin geta valdið tíma­bundnu minnis- og með­vit­und­ar­leysi.

Nagla­lakkið sem um ræðir hefur hlotið nafnið Und­ercover Colors, en það breytir um lit þegar það kemst í snert­ingu við nauðg­un­ar­lyf. Því er brýnt fyrir konum með nagla­lakkið að þær hræri í drykkjum með fingr­unum áður en þeirra er neytt á skemmti­stöð­um.

Varan náði athygli fjár­festis á sínum tíma á nýsköp­un­ar­ráð­stefnu sem greiddi hund­rað þús­und Banda­ríkja­dali til að fjár­magna frum­gerð nagla­lakks­ins.

Þá unnu nem­arnir sem þró­uðu nagla­lakkið frum­kvöðla­keppni sem haldin var á dög­unum í Norð­ur­-Kar­ólínu­ríki.