Óli Örn Eiríksson deildarstjóri atvinnuþróunar hjá Reykjavíkurborg er gestur Aðfararinnar að þessu sinni. Óli stýrir verkefninu Hagkvæmt húsnæði sem snýr að því að koma fram með nýjar lausnir og hugmyndir fyrir ungt fólk og fyrstu kaupendur.
Verkefnið var sett af stað síðastliðið vor þegar Reykjavíkurborg óskaði eftir hugmyndum frá áhugasömum aðilum um að taka þátt í að þróa slíkar lausnir. Borgin hefur eyrnamerkt nokkrar lóðir og þróunarreiti sem mögulega uppbyggingarstaði, þar á meðal Veðurstofureitur, Gufunes og Skerjafjörður. Fjölmargir aðilar tóku þátt og sendur inn tillögur en í lok seinustu viku kynntu þeir níu hópar sem skoruðu hæst sínar tillögur á opnum fundi í Ráðhúsinu. Óli fór yfir tilurð verkefnisins, hvernig það hefur verið unnið hingað til og hver næstu skref eru en Reykjavíkurborg ætlar að hefja viðræður við þáttakendur um áframhaldandi þróun verkefnisins.
Við þökkum Óla fyrir komuna og skemmtilegt spjall þar sem húsnæðismálin voru rædd í stóru samhengi og þær áskoranir og tækifæri sem leynast í svona spennandi þróunarverkefni sem Hagkvæmt húsnæði er.
Áhugasamir um verkefnið geta kynnt sér það nánar á heimasíðu Reykjavíkurborgar: https://reykjavik.is/frettir/hagkvaemt-husnaedi-fyrir-ungt-folk-i-uppbyggingu
Kjarninn í samstarfi við Storytel bíður þér að hlusta frítt á þúsundir hljóðbóka í símanum þínum í 30 daga. Það eina sem þú þarft að gera er að skrá þig á www.storytel.is/kjarninn og byrja að njóta. Storytel.is, þúsundir hljóðbóka í símanum þínum.
