Íslenskt banka­kerfi stendur á tíma­mót­um. Búið er að end­ur­skipu­leggja heim­ilin og atvinnu­líf­ið, leysa út kröfu­hafa­vand­anum og lyfta höft­um. Nú er hafin til­færsla á eign banka­kerf­is­ins úr öruggum hrammi rík­is­ins, eða reglu­verks sem hindr­aði beina aðkomu erlendra vog­un­ar­sjóða að rekstri íslenskra við­skipta­banka.

Þessi til­færsla er komin af stað án þess að póli­tísk umræða og stefnu­mörkum hafi átt sér stað um hvernig banka­kerfi við þurfum og viljum á Íslandi. Eina stefnan virð­ist vera sú að ein­hver annar en ríkið eigi að eiga bank­ana. Þetta er til umræðu þætti vik­unn­ar.

Katrín Júl­í­us­dótt­ir, fram­kvæmda­stjóri Sam­taka fjár­mála­fyr­ir­tækja og fyrr­ver­andi vara­for­maður Sam­fylk­ing­ar­inn­ar, situr fyrir svörum um hvernig banka­kerfið sé og þurfi að þró­ast. Umsjón­ar­menn þátt­ar­ins eru Þórður Snær Júl­í­us­son og Þór­unn Elísa­bet Boga­dótt­ir.