„Auð­vitað er þetta ákveðið form af trún­að­ar­bresti. Ég reikna með því að það verði ekki erfitt að sann­færa þessa aðila um að það sé þörf á að hækka starfs­menn þeirra svipað og þeir fengu sjálf­ir. Þeir hljóta að vera sam­mála rök­un­um,“ segir Gylfi Arn­björns­son, for­seti Alþýðu­sam­bands Íslands (ASÍ), um launa­hækk­anir stjórn­enda stórra íslenskra fyr­ir­tækja sem voru langt umfram þær almennu launa­hækk­anir sem hans félags­menn sömdu um í fyrra. Gylfi, sem var fyrr í dag end­ur­kjör­inn í emb­ætti for­seta­ASÍ til tveggja ára á þingi sam­bands­ins, er gestur Kvik­unnar að þessu sinni.

Í þætti dags­ins fer Gylfi meðal ann­ars yfir kom­andi átöku á vinnu­mark­aði, versn­andi sam­skipti við stjórn­völd og óánægju innan raða aðild­ar­fé­laga ASÍ með for­ystu sam­bands­ins.

[caption id="attach­ment_10442" align="aligncenter" width="1024"] Gylfi Arn­björns­son var end­ur­kjör­inn í emb­ætti for­seta ASÍ í dag.[/caption]

Hann telur það ekki hafa verið mis­tök að semja um 2,8 pró­sent launa­hækk­anir í des­em­ber í fyrra með það fyrir augum að ná stöð­ug­leika í sam­fé­lag­inu. Ákall hafi verið á meðal félags­manna hans um slíkan stöð­ug­leika og til að reyna að ná honum hafi þurft sam­stöðu allra sem að borð­inu koma. „Það verður bara að við­ur­kennast, að það tókst ekki í þetta sinn. Það var þannig að aðrir tóku sér meiri launa­hækk­an­ir.“

Þar vísar Gylfi í að ríki og sveit­ar­fé­lög hafi hækkað laun kenn­ara, leik­skóla­kenn­ara og háskóla­mennt­aðra starfs­manna langt umfram það sem samið var um í kjara­samn­ingum aðild­ar­fé­laga ASÍ. Auk þess hafi komið í ljós að mýmargir stjórn­endur íslenskra fyr­ir­tækja, meðal ann­ars í fjár­mála­geir­an­um, hafi upp­lifað launa­skrið langt umfram þá hækkun sem félags­mönnum Gylfa bauðst. Ský­laus krafa aðild­ar­fé­laga ASÍ í kom­andi kjarna­samn­ingum verður að félags­menn þeirra fái að njóta sam­bæri­legra hækk­anna.