Einar Bárð­ar­son, einn fram­kvæmda­stjóra ferða­þjón­ustu­fyr­ir­tæk­is­ins Reykja­vík Exc­ursions, segir ferða­þjón­ustu­iðn­að­inn hér á landi þurfa fleiri alvöru rann­sóknir á því hvernig fólk ferð­ast til Íslands. Gott væri að vita hver tíðni end­ur­komu­gesta sé til Íslands, ekki síst til að sjá hversu vel mark­aðs­starf í ferða­þjón­ustu geng­ur. Einar er gestur Mark­aðsvarps­ins hjá Bjarka Pét­ursyni og Trausta Har­alds­syni í Hlað­varpi Kjarn­ans.

„Það væri gaman að sjá tíðni end­ur­komu­gesta,“ segir Ein­ar. „Við vorum svona „einnar komu“-á­fanga­staður en við erum að upp­lifa það meira og meira að fá end­ur­komu­gesti. Það væri mjög áhuga­vert að sjá Stjórn­stöð­ina [Stjórn­stöð ferða­mála] eða Ferða­mála­stofu vinna sam­an… við höfum ekki „tímt“ að kaupa alvöru rann­sóknir í þessum efn­um.“

Þeir ræða meðal ann­ars hvernig ferða­þjón­ustu­mark­að­ur­inn hefur verið að þróast, hvernig hann muni vera í náinni fram­tíð, hvað gengur vel og hvað megi betur fara og hvort að Ísland geti við­haldið þjón­ustu­stig­inu á ferða­mark­að­in­um.

Einar segir eina helstu ógn­ina við ferða­þjón­ust­una hér á landi vera geng­is­þró­un. Styrk­ing íslensku krón­unnar gagn­vart öðrum gjald­miðlum gæti haft veru­lega frá­hrind­andi áhrif á ferða­menn sem hugsa sér að koma til Íslands.