Kjartan Páll ræðir við Arnar Egg­ert Thorodd­sen um dæg­ur­menn­ingu og félags­fræði­legt sjón­ar­horn á tón­list­ar­heim­inn. Í þessum þætti er flutt síma­við­tal sem Arnar átti við breska tón­list­ar­mann­inn Billy Bragg í aðdrag­anda Airwa­ves-há­tíð­ar­inn­ar. Billy Bragg hefur á löngum og merkum ferli verið stað­fastur málsvari þeirra sem minna mega sín, er umsvifa­mik­ill aðgerðasinni og lög hans einatt mót­mæla- og bar­áttu­söngv­ar, sprottnir úr veru­leika verka­lýðs­stétt­ar­inn­ar. Líkt og Bubbi Morthens og/eða Bruce Springsteen, þá hefur Bragg oft náð að spegla sam­fé­lags­legar hrær­ingar í heima­landi sínu með eft­ir­tekt­ar­verðum hætti. Í við­tal­inu ræðir Bragg um hlut­verk tón­list­ar­manna í sam­fé­lag­inu, ábyrgð þeirra og getu til að hafa áhrif á sam­fé­lag sitt með beinum hætti og rekur eðli máls­ins sam­kvæmt eigin reynslu af þeim efn­um.