Við­auki við fjár­hags­á­ætlun Reykja­vík­ur­borgar var sam­þykktur í borg­ar­stjórn í gær, og gerir hann ráð fyrir 1,78 millj­arða króna hag­ræð­ingu í rekstri borg­ar­inn­ar, sem leggst á flest svið og deildir borg­ar­innar. 

Aðgerð­irnar miða að því að gera rekstur borg­ar­innar sjálf­bæran og ná jafn­vægi milli tekna og gjalda. Eins og bent hefur verið á í pæl­ingu dags­ins áður, þá eru krefj­andi tímar framundan í rekstri sveit­ar­fé­laga á næst­unni, þar sem miklar launa­hækk­anir munu verða þungar í skauti í grunn­rekstri borg­ar­inn­ar. 



Rekstur skóla­þjón­ustu er stór hluti af grunn­rekstri, en af 43,3 millj­arða króna heild­ar­út­gjöldum til skóla- og félags­þjón­ustu þá verður hag­rætt um 670 millj­ón­ir. Þó það sé ekki svo stór hluti af heild­inni, eða sem nemur 1,5 pró­sent, þá er ekki mikið svig­rúm til nið­ur­skurðar í skólum borg­ar­inn­ar. Sam­kvæmt áætl­un­inni á að skera niður sér­kennslu og stuðn­ing hjá borg­inni um 80 millj­ón­ir. Það verður að telj­ast sár­græti­legt, enda bitnar það beint á börnum með sér­þarf­ir. 



En þetta er hinn kaldi veru­leiki í rekstri borg­ar­inn­ar, sem nú hefur verið ákveðið að fram­fylgja eftir fyrr­nefndri áætl­un. Von­andi tekst að koma rekstr­inum á réttan kjöl, en vafa­lítið á skóla­fólk eftir að láta í sér heyra vegna þess­ara áforma.