Hinn for­dóma­fulli Don­ald Trump verður full­trúi Repúblikana­flokks­ins í for­seta­kosn­ing­unum í nóv­em­ber. Fátt getur komið í veg fyrir það, nema þá helst algjör hall­ar­bylt­ing á lands­fundi flokks­ins og óvænt atburða­rás. 

For­dómar hans eru opin­berir og hann hefur raunar marg­ít­rekað þá sjálf­ur. Hann vill meðal ann­ars hindra för fólks á grund­velli trú­ar­bragða og upp­runa. Hann vill vísa múslimum úr landi og reisa vegg við landa­mæri Mexíkó, og senda stjórn­völdum í Mexíkó reikn­ing­inn. Þá hefur hann líka neitað að fjar­lægja sig öfga­sam­tökum eins og Ku Klux Klan, sem elur á kyn­þátta­hatri í garð svartra. Það reitti meðal ann­ars Paul Ryan, einn af for­ystu­mönnum flokks­ins, til reiði.

Það er óhætt að orða hlut­ina svona: Trump er ras­ist­i ­sem elur á ótta, og spilar á lægstu hvat­ir. Aldrei hefur maður náð við­líka árangri í kosn­ingum í Banda­ríkj­un­um, sem fer fram með jafn ein­feldn­ings­legan og ömur­legan boð­skap og hann. 

Pólítíkin sem hann boðar kemur hægri-­stjórn­málum ekk­ert við, þó ekki sé skyn­sam­legt að reyna stað­setja for­dóma hans á póli­tíska kvarða. 

Mik­ill titr­ingur er sagður innan flokks­ins vegna þess­arar stöðu sem upp er kom­in, og hafa helstu fjöl­miðlar Banda­ríkj­anna, greint frá því að for­ystu­fólk flokks­ins, bæði á þingi og í ein­staka ríkj­um, sé ugg­andi yfir stöð­unni. Ástæðan er sú, að Trump hefur alið á ótta og tek­ist að ná fólki á bak við sig, sem Repúblikanar hafa reynt að halda frá flokknum til þessa. Þar á meðal eru kyn­þátta­hat­ar­ar. 

Í magn­aðri grein eftir Andrew Sulli­van, í New York Mag­azine, er staðan sem Banda­ríkin standa nú frammi fyrir greind nokkuð vel. Stóru orðin eru ekki spöruð, en á yfir­veg­aðan og ítar­legan hátt er sagt að hættu­merkin séu aug­ljós. Sund­ur­lyndi getur náð nýjum hæðum með Trump í broddi fylk­ing­ar. 

Von­andi hafa kjós­endur í Banda­ríkj­unum vit á því að halda honum frá for­seta­emb­ætt­inu, þegar á hólm­inn er kom­ið. Hill­ary Clinton og Bernie Sand­ers eru bæði miklu betri kost­ir.