Oddný Harð­ar­dótt­ir, fyrr­ver­andi fjár­mála­ráð­herra og þing­maður Sam­fylk­ing­ar­inn­ar, var í gær kosin for­maður Sam­fylk­ing­ar­inn­ar. 

Alls voru greidd 3.877 at­­­kvæði í kjör­inu, 15 skil­uðu auðu. Hlaut hún 59,9% at­­­kvæða í þriðju hrinu taln­ing­­­ar­inn­­­ar. Eng­in breyt­ing varð frá 1. hrinu taln­ing­­­ar­inn­ar sam­­­kvæmt for­­­manni kjör­­­stjórn­­­­­ar.

Óhætt er að segja að Odd­nýjar bíði mikið upp­bygg­ing­ar­starf, enda hefur fylgi Sam­fylk­in­ingar mælst á bil­inu sjö til 10 pró­sent á und­an­förnum mán­uð­um. Það er óra­fjarri því sem flokk­ur­inn var stofn­aður til. Að verða stór turn á vinstri vængn­um, sem mót­vægi við Sjálf­stæð­is­flokk­inn á þeim hægri. 

En sigur Odd­nýjar setur líka upp nýja póli­tíska sviðs­mynd. Á vinstri vængnum leiða nú tvær konur sína flokka inn í kosn­ing­ar. Katrín Jak­obs­dótt­ir, for­maður Vinstri grænna, og Oddný hjá Sam­fylk­ing­ing­unn­i. 

Þó kosn­ingar hafi ekki verið tíma­settar enn­þá, þá má búast við nokkuð kraft­miklum spretti á hinu póli­tíska sviði á næstu mán­uð­um, þar sem barist verður um fylg­ið. Kannski munu kon­urnar fá byr í seglin á vinstri vængn­um, á móti köll­unum á þeim hægri. Ekk­ert er þó öruggt í þeim efn­um, þar sem Bjarni Bene­dikts­son og Sjálf­stæð­is­menn hafa verið í fylg­is­sókn að und­an­förn­u. 

Spenn­andi tímar framund­an...