Viðskiptaráð hrekkur í gírinn

Auglýsing

Hafi ein­hver haldið að Hrunið hafi kennt Við­skipta­ráði, eða því liði sem gefur tón­inn fyrir þess hönd, eitt­hvað þá skjátl­ast mönnum hrapa­lega. Græðg­i­skap­ít­al­ism­inn lifir þar enn góðu lífi og ríður nú síð­ast húsum í úttekt á vegum ráðs­ins á opin­berum húsa­kosti og til­lögum um einka­væð­ingu á því sviði.

Allt er það auð­vitað klætt í gam­al­kunn­an dul­bún­ing hag­ræð­ingar nema hvað að nú hefur gagn­sæi bæst við sem einn af kostum einka­væð­ing­ar. Auð­vitað hljóta allir að sjá hversu bráð­hag­kvæmt það er að ríkið selji undan sér svo til allt hús­næði sem þarf til að hýsa stjórn­sýslu og veita opin­bera þjón­ustu. Nátt­úru­lega bíða í röðum góð­hjart­aðir ridd­arar sem bein­línis ætla að borga með því að sjá rík­inu fyrir hús­næði í stað­inn. Fast­eigna­fé­lögin eru alþekkt að gagn­sæi í sínum störfum bæði hvað varðar ákvarð­anir um leigu­verð og eins eigið eign­ar­hald. Eða hvað? Trúa menn­irnir sjálfir þessu kjaftæði?

Alþingi eign­ast sína eigin bygg­ingu á 25 árum

Á vegum Alþingis er nú verið að fara af stað með nýbygg­ingu sem mun hýsa nefnd­ar­svið Alþing­is, skrif­stofur fyrir þing­menn og þing­flokka og ýmsa stoð­þjón­ustu við þing­störf­in. Ástæða þess að ráð­ist er í nýbygg­ingu á vegum Alþingis er að það fyr­ir­komu­lag sem þingið hefur búið við að þessu leyti und­an­farin ár, þ.e. að leigja á mörgum stöðum í kvos­inni mis­gott og fok­dýrt hús­næði , er alger­lega gengið sér til húð­ar. Gerð var vönduð athugun á því hvort lang­tíma­leiga af einum aðila sem um tíma leit út fyrir að gæti verið í boð væri hag­stæður kostur borið saman við að reisa eigin bygg­ingu.

Auglýsing

Nið­ur­staðan var afdrátt­ar­laus og um hana voru allir sam­mála, fjár­mála­ráðu­neyt­ið, fram­kvæmda­sýslan og Alþingi. Nýbygg­ing var svo miklu hag­stæð­ari kostur heldur en að leigja að á um það bil 25 árum eign­ast Alþingi sitt eigið hús og á það skuld­laust fyrir ígildi leigu yfir sama tíma­bil. Er þá ónefnt hag­ræðið af því að búa um starf­sem­ina í hús­næði sem gagn­gert er hannað til slíkra nota auk þess sem það er auð­vitað ekki sam­boðið Alþingi að vera á hrak­hólum með sína starf­semi og jafn­vel á köflum leigj­andi heilsu­spill­andi hús­næði á okur­verði. Vissu­lega eru aðstæður sér­stakar í Kvos­inni og leigu­verð hátt þannig að ekki er endi­lega mál­efna­legt að yfir­færa útkom­una úr þessu dæmi yfir á aðra starf­semi rík­is­ins og hvar sem er.

Eign­ar­halds­fé­lagið Fast­eign

En þá vill svo til að hægt er að skoða nýlega reynslu­sögu þar sem sú leið sem Við­skipta­ráð er að boða var svo sann­ar­lega far­in. Það er saga eign­ar­halds­fé­lags­ins Fast­eignar sem keypti af all­mörgum sveit­ar­fé­lögum fast­eignir eða byggði í öðrum til­vikum til þess svo að sjá um rekstur þess hús­næðis og leigja sveit­ar­fé­lög­un­um.  Hér skal mönnum hlíft við að rekja þá sögu og útkom­una hljóta menn að þekkja. Það hefur ekki hvarflað að Við­skipta­ráði að gera fyrst úttekt á reynsl­unni af Fast­eign? Eða hvað Háskól­inn á Akur­eyri og ýmsar stofn­anir hafa mátt borga í húsa­leigu í Borg­um, hús­inu sem illu heilli var byggt þar í einka­fram­kvæmd? Jú kannski hafa þeir velt því fyrir sér en svo fljót­lega séð að það yrði mál­staðnum ekki til fram­drátt­ar. Þeim mál­stað að færa sífellt út landa­mærin fyrir gróða­öfl­in, finna sífellt nýja bit­haga og helst á kostnað skatt­greið­enda fyrir hið sís­vanga auð­magn. Auðinn þarf jú að ávaxta þannig að hið litla brot lands­manna sem að uppi­stöðu til á hann geti orðið enn rík­ara.

Það er skoðun und­ir­rit­aðs að þessi fram­ganga Við­skipta­ráðs sé and­fé­lags­leg, sið­laus. Til­gang­ur­inn helgar svo aug­ljós­lega með­al­ið. Þegar horft er fram hjá aug­ljósum stað­reyndum og dómi reynsl­unnar í fram­setn­ingu efnis af þessu tagi af sam­tökum eins og við­skipta­ráði á ekki að tala neina tæpi­tungu. Eða hvað er það að nota sem rök­semd fyrir því að ríkið eigi að selja sitt hús­næði og taka til við að leigja af öðrum að innri leiga stofn­ana í opin­beru hús­næði til rík­is­ins sé undir helm­ingi af leigu á almennum mark­aði á höf­uð­borg­ar­svæð­inu? Við­skipta­ráði dettur ekki í hug að sú útkoma sýni einmitt að það sé hag­kvæmara að ríkið eigi sitt hús­næði sjálft? Nei, þar á bæ fara menn létt með að snúa þeirri rök­semd á haus.

Við­skipta­ráði er guð­vel­komið að stefna mér fyrir meið­yrði ef ráða­menn þar telja þetta stór orð. Það gætu þá orðið áhuga­verð skoð­ana­skipti í rétt­in­um, skoð­ana­skipti sem lítið fer fyrir endranær enda ekki mikið til siðs að bjóða önd­verðum sjón­ar­miðum til sam­tals þar á bæ sbr. til dæmis dag­skrá vænt­an­legs Við­skipta­þings.

Upp er boðin Hóla­dóm­kirkja 

En fyrir eitt má hrósa Við­skipta­ráði. Það er hversu hreint og ómengað það setur fram sitt mark­aðsvæð­ing­ar-, græðgis- trú­boð. Það að leggja til einka­væð­ingu sjálfrar Hóla­dóm­kirkju gætu ein­hverjir sjálf­sagt kallað kjark­að, aðrir yfir­gengi­lega firrt eða galið. En ómengað er það og væri gaman að vita hvernig sá boð­skapur fer almennt ofan í menn, t.d. á skag­firska efna­hags­svæð­inu. 

Höf­undur er þing­maður Vinsti grænna og fyrr­ver­andi fjár­mála­ráð­herra.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiAðsendar greinar
None