Kvennalisti, nauðsynlegt afl eða tímaskekkja?

Jón Hjörtur Sigurðarson telur að stofnun kvennalista geti haft slæmar afleiðingar fyrir þá jafnréttisbaráttu sem nú þegar hafi átt sér stað.

Auglýsing

Þegar við hugsum til Kvennalistans, sem var og hét, sjáum við fyrir okkur sterkar konur sem stóðu fyrir breytingum. Breytingum sem juku jafnrétti kynjanna á tímum þegar virkilega var þörf á því. Á þeim tíma voru konur með mun lægri laun, lítið hlutfall kvenna í stjórnsýslunni, lægra hlutfall kvenna í stjórnum og öðrum áhrifastöðum í samfélaginu. Síðast en ekki síst voru yfirgnæfandi meirihluti flokkslista byggðir upp af karlmönnum. Vinnan byggði á jafna stöðu kynjanna því bæði kynin hefðu ákveðna styrkleika fram að færa sem átti heima á öllum sviðum. Eftir kröftuga baráttu náðist mikill árangur, svo mikill árangur að ekki var þörf á sérstökum kvennalista vegna þátttöku þeirra innan annarra flokka. Þá tók við baráttan um að jafna hlutfall kynjanna innan flokkanna, valddreifingu sem hefur tekið sinn tíma. Dæmi um hversu vel sú vinna gekk þá er forsætisráðherrann í dag kvenmaður. Mig langar að stoppa smá hér og endurtaka hversu langt við höfum náð. Í dag er Ísland með kvenkyns forsætisráðherra. Þetta tel ég flott skref í rétta átt. 

Umræðan um kvennalista kom fram vegna kynjaskiptingu á Alþingi. Ég get alveg tekið undir að eðlilegt sé að nokkuð jafnt kynjahlutfall sé þingi og á framboðslistum. Eðlilegt er að þetta geti hliðrast aðeins í báðar áttir. Við viljum að í samfélaginu ríki jafnrétti og á það sé litið sem eitt af grunngildum þess. Stöndum við framarlega í jafnréttismálum og kemur það fram í þeim könnunum og rannsóknum sem hafa verið gerðar. Það pólitíska landslag sem er í dag byggir á því sama og gildi samfélagsins og vilji til jafnréttis.

Þegar við vinnum hluti út frá kyni, alveg sama í hvaða samhengi það er, vinnum við ekki að jafnrétti heldur jöfnun annars kynsins. Það er oftast gert til að ná jafnrétti en tryggir það þó ekki. Gott dæmi er jafnlaunavottun. Ef áherslan á henni hefði eingöngu verið að ekki mætti greiða konum lægri laun þá hefði ennþá mátt greiða körlum lægri laun fyrir sömu störf og konur væru að gera. Hún var unnin út frá kynleysi í huga, að ekki mætti greiða öðru hvoru kyninu meira fyrir sama starf. Þetta er eingöngu hluti af þeim rökstuðningi sem ég hef en treysti því að boðskapurinn komist til skila. Líta ber á jafnrétti sem kynlausa baráttu því hún snertir bæði kynin á öllum stöðum. 

Auglýsing

Að mínu mati er viss afturför að fara aftur til baka og leggja áherslu á að berjast eingöngu fyrir annað kynið, það er ekki skref í áttina að jafnrétti. Með því að setja kvennalista aftur á laggirnar er búið til fordæmi fyrir því að búa til karlalista sem afl á móti. Þegar núverandi flokkar byggjast upp á blöndun kynjanna og kvennalista svo bætt við er eðlilegt að á móti komi afl til að jafna aftur leikborðið. Önnur verri útgáfa fyrir jafnrétti væri ef stóru fjórflokkarnir tækju það í sínar hendur að jafna kynjahlutföll. Fækka konum á listum til að stemma af kynjahlutfallið með þeim rökstuðning að sér listi kvenna væri til staðar. Að stofna kvennalista getur haft slæmar afleiðingar fyrir þá jafnréttisbaráttu sem nú þegar hefur átt sér stað. Telja má líklegt að það búi til mótafl í einhverri mynd til að jafna aftur leikvöllinn þar sem núverandi flokkar skipa fólki af báðum kynjum á lista.

Því spyr ég: Í því samfélagi og pólitíska landslagi sem er á Íslandi í dag er kvennalisti nauðsynlegt afl eða tímaskekkja?

Höfundur er nemi við Háskólann á Bifröst í B.A. í miðlun og almannatengslum.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Women Empowerment – bók eftir Eddu Falak
„Kynþokki er allavega og við ættum ekki að vera hræddar við að sýna hann“
Edda Falak safnar nú fyrir bók sem ber nafnið „Women Empowerment“ á Karolina Fund.
Kjarninn 9. maí 2021
Mótmælandi steytir hnefa í borginni Cali en þar hafa átök milli mótmælenda og lögreglu orðið hve hörðust í mótmælunum sem staðið hafa yfir frá því 28. apríl í Kólumbíu.
Mótmæla harðræði lögreglu í Kólumbíu
Mótmæli hafa staðið yfir í Kólumbíu í á aðra viku. Upphaflega voru það breytingar á sköttum sem fólk mótmælti en síðar varð það harðræði lögreglu sem dró fólk af stað. Félagasamtök segja að hátt á fjórða tug mótmælanda hafi látist vegna aðgerða lögreglu.
Kjarninn 9. maí 2021
Odd Emil Ingebrigtsen, sjávarútvegsráðherra Noregs.
Norski sjávarútvegsráðherrann segir að Samherji sé með „laskað mannorð“
Sjávarútvegsráðherra Noregs segist gruna að Samherji sé að reyna að komast í kringum reglur um eignarhald erlendra aðila á norskum fiskveiðikvóta og hefur gripið til aðgerða. Hann felur ekki neikvæðni sína í garð Samherja.
Kjarninn 9. maí 2021
Jón Gnarr
Af þrælmennum
Kjarninn 9. maí 2021
Borgarstjórar skyldaðir til handabanda
Umræður um handabönd hafa, og það ekki í fyrsta sinn, ratað inn í danska þingið. Þingmenn vilja skylda borgarstjóra landsins til að taka í höndina á nýjum ríkisborgurum, en handabandið er skilyrði ríkisborgararéttar.
Kjarninn 9. maí 2021
Ari
„Vægi loftslagsmálanna minnkar ekki þessa dagana“
Þingmaður VG segir að ef Íslendingar standi við það sem þeir hafa samþykkt af áætlunum um loftslagsmál og geri aðeins betur hafi þeir að minnsta kosti staðið við sinn skerf í málaflokknum.
Kjarninn 8. maí 2021
Brynjar Níelsson, þingmaður Sjálfstæðisflokksins.
Býður sig fram í 2. sæti – stefnir á að verða í framvarðasveit flokksins í Reykjavík
Brynjar Níelsson ætlar að bjóða fram krafta sína fyrir Sjálfstæðisflokkinn fyrir næstu kosningar en hann hefur verið á þingi síðan 2013.
Kjarninn 8. maí 2021
Nichole Leigh Mosty
Ég vil tala um innflytjendur
Leslistinn 8. maí 2021
Meira úr sama flokkiAðsendar greinar