Örgeðja Trump róaður vegna Sýrlands

Gunnar Hólmsteinn Ársælsson skrifar um ákvörðun Bandaríkjaforseta um að draga alla hermenn frá Sýrlandi.

Auglýsing

Ber er hver að baki, nema sér bróður eigi, segir í frægum forn­sögum okkar Íslend­inga, en þessi orð má kannski heim­færa á síð­ustu aðgerðir Don­ald Trump í Sýr­landi. Hann ákvað fyrir skömmu, að því er virð­ist upp á sitt eins­dæmi, að draga alla banda­ríska her­menn frá Sýr­landi, þar sem þeir og fleiri hafa verið að glíma við hryðju­verka­sam­tök­in IS­IS, eða það sem dag­lega er kallað „hið svo­kall­aða íslamska ríki."

Aðgerð­ir Trump hafa mætt mik­illi and­stöðu og þær raddir sem segja að Trump sé hvað verstur við sína ­banda­menn hafa verið háværar frá því að hann tók við emb­ætti fyrir tæpum tveimur árum síð­ar. En „vitr­ingar" inn­an­ Repúblíkana­flokks­ins tóku sig til og ræddu málið við Trump, með­ öld­ung­ar­deild­ar­þing­mann­inn Lindsa­y Gra­ham í broddi fylk­ing­ar. Gra­ham tókst að sann­færa Trump um að fara sér að engu óðs­lega í mál­inu. Svo virð­ist sem það hafi borið árang­ur. Enda er það svo að maður kippir ekki svona her­liði til baka einn, tveir og þrír.

Kúrdar gegn ISIS

Samt sem áður er talið að þessi ákvörð­un Trump komi sér sér­lega illa við Kúr­da, sem ára­tugum saman hafa verið í bar­áttu fyrir eigin ríki í norð­ur­hluta Íraks og Tyrk­landi. Kúrdar hafa verið dyggir stuðn­ings­menn þeirra sveita sem hafa verið að berj­ast gegn IS­IS und­an­farin miss­eri. Og virð­ist vera sem bar­átta þeirra hafi skilað árangri.

Auglýsing

En þeir hafa einnig háð grimmi­lega bar­áttu við NATO-landið Tyrk­land ára­tugum sam­an, þar sem tugir þús­unda hafa fall­ið. Eins og svo margt annað í þessum heims­hluta er þetta allt saman mjög flókið og marg­þætt. Kúrdar eru alls um 28 millj­ónir tals­ins og dreifast yfir nokkur ríki í Mið-Aust­ur­lönd­um.

Banda­ríkin hafa í gegnum tíð­ina hegðað sér eins og heimslöggan og tekið það hlut­verk að sér. En atburðir og þessi ákvörð­un Trump minnir nokkuð á aðra álíka ákvörðun (og atburða­r­ás) sem átti sér í raun stað á sama svæði fyrir um 30 árum síðan og sýnir í raun hvernig maður á ekki að fara með vini sína eða banda­menn.

Bus­h eldri lúskraði á Saddam

Þá var ann­ar repúblikan­i ­for­seti, en sá var ­Ge­or­ge Bus­h eldri, sem lést nýver­ið. Þegar hér komið er við sögu er hann búinn að lúskra á ein­ræð­is­herra Íraks, Saddam Hussein, sem ráð­ist hafði inni í smá­rík­ið Kuwait, vegna deilna ríkj­anna um olíu­. Bus­h safn­aði saman alþjóð­legu her­liði og gerð­i út­af við Íraks­her Hussein á aðeins nokkrum vik­um. En ekki var farið til­ Bagda­d og Saddam Hussein hélt því völd­um.

Hins­veg­ar hvatt­i Bus­h ­með yfir­lýs­ingum í fjöl­miðlum og flug­miðum ýmsa hópa ­sjíta í S-Írak og Kúrda í N-Írak til þess að rísa upp gegn Saddam. Túlk­uðu and­stæð­ing­ar Sadd­ams orð Bus­h ­sem stuðn­ing við þá. Þegar á hólm­inn var komið reynd­ist sá stuðn­ingur lít­ill sem eng­inn og her­menn Sadd­ams ­gengu ber­serks­gang i land­inu gegn ­Sjít­u­m og Kúr­dum, sem voru ein­fald­lega stungnir í bakið af Banda­ríkja­mönn­um. (Hér ber að taka fram að Saddam Hussein var súnníti, en súnní og ­sjí­a er tvær meg­in­greinar Islam. Súnnítar voru minni­hluti í Írak á þessum tíma, en ráð­andi afl í land­inu og hafð­i Saddam Hussein haft völd frá árinu 1979.)

Grimmd­ar­verk með vit­neskju Banda­ríkj­anna

Sam­kvæmt umfjöll­un Was­hington Post frá 2003 er talið að allt að 100.000 manns hafi fall­ið/verið myrtir í þessum atburðum frá mars 1991 og næstu mán­uði. Mörg grimmd­ar­verk frá mars til sept­em­ber árið 1991 voru framin með vit­neskju banda­rískra her­manna, sem höfðu skip­anir um að skipta sér ekki af. Saddam tók því reiði sína, gremju og í raun ósigur gegn alþjóða­hern­um, út á and­stæð­ingum sínum og fékk í raun „frí­spil" við það. Flótta­manna­bylgja skap­að­ist svo á sama tíma í Írak.

Saddam hélt því völdum en næstu árin ein­kennd­ust af alþjóð­lega við­skipta­banni og flug­banni (no-fly-zo­nes) yfir Írak. Þetta ástand hélst í raun þar til son­ur ­Ge­or­ge Bus­h eldri, ­Ge­or­ge Bus­h yngri, réð­ist svo aftur inn í Írak árið 2003. Og af þeim atburðum erum við að súpa seyðið með marg­vís­legum hætti í dag.

Brölt Trump ­styrkir Pútín

Það er því ekki furðu­legt að Kúrdar ótt­ist um sinn hag í Sýr­landi og á þeim svæðum þar sem þeir hafa verið að hjálpa Banda­ríkja­mönnum að berj­ast gegn IS­IS, þeg­ar Trump ­tístir allt í einu að hann ætli að draga alla banda­ríska her­menn frá Sýr­landi.

Ekki bara að það geti komið illa fyrir Kúr­da, heldur telja frétta­skýrendur einnig að þetta muni ein­ungis efla og styrkja stöðu Rússa í Sýr­landi og efli því mögu­lega stöð­u Pútíns Rúss­lands­for­seta enn frek­ar.

Rúss­ar, ásamt Írön­um, eru helstu stuðn­ings­menn ein­ræð­is­herr­ans Bas­har al Assad, for­seta Sýr­lands, en í því borg­ara­stríði sem geisað hefur í land­inu frá árinu 2011 hafa um 500.000 manns látið lífið og um 12 millj­ónir manna eru á flótta, bæði innan og utan lands­ins. Um að ræða mesta flótta­manna­vanda í heim­inum frá lokum seinna stríðs árið 1945.

ISIS ­mest áber­andi á Sína­ískaga

Hryðju­verka­sam­tökin Hið íslamska ríki, náðu sínu hámarki árið 2014, þegar sam­tökin höfðu um helm­ing Sýr­lands á valdi sínu og góðan hluta af Írak. Síðan hefur hallað undan fæti, en að und­an­förnu hefur hvað mest borið á sam­tök­unum í Egypta­landi, á Sína­í-skag­an­um. Í lok des­em­ber voru þrír víetnamskir ferða­menn myrtir í árás við hina forn­frægu pýramída í G­iza, skammt frá höf­uð­borg­inn­i Kairó, en í kjöl­farið myrtu egyp­skar örygg­is­sveitir um 40 hryðju­verka­menn. Árásir sem þessar koma mjög illa niður á ferða­manna­iðn­að­i Eg­ypta­lands, sem er mik­il­væg­asta atvinnu­grein lands­ins.

Spurn­ingin er nú hvort ákvörð­un Trump muni enn frekar auka á óstöð­ug­leik­ann í Mið-Aust­ur­löndum og hvort þeir ­banda­rísku her­menn (sem eru ekki nema um 2-3000, að vísu margir sér­sveit­ar­menn) séu ákveð­inn „stuð­púði" sem að stuðli að frekara ójafn­vægi, sé hann ekki á svæð­inu. Það mun fram­tíðin leiða í ljós. 

Höf­undur er M.A. í stjórn­mála­fræði.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Skriðdreki rússneskra aðskilnaðarsinna í Donbas á ferðinni á heræfingu í upphafi þessa árs. Yfir 15 þúsund hafa látið lífið síðan átökin í Úkraínu hófust árið 2014. Nú eru blikur á lofti.
Rússar herða tökin í Úkraínu
Rússar sýna nú ógnandi tilburði við landamæri Úkraínu. Samhliða beita þeir ýmsum tólum fjölþáttahernaðar og Vesturlönd velkjast í vafa um viðbrögð.
Kjarninn 18. apríl 2021
„Stundum hef ég hugsað um hvað gerist ef það kviknaði í hér inni. Það eru margir neyðarútgangar en innan við þá alla eru full vörubretti, þetta er kolólöglegt en enginn gerir neitt,“ sagði einn starfsmaður undir nafnleynd við dagblaðið Information nýlega
Þrælahald
Fimmtán klukkustunda vinna á hverjum degi mánuðum saman, kröfur um afköst, sem ekki er hægt að uppfylla, tímaáætlun sem ekki gerir ráð fyrir salernisferðum og kaffitímum. Svona er vinnuaðstæðum lýst hjá þekktri danskri netverslun.
Kjarninn 18. apríl 2021
Ingibjörg Isaksen mun leiða lista Framsóknar í Norðausturkjördæmi í haust.
Ingibjörg Isaksen efst hjá Framsókn í Norðausturkjördæmi – Líneik önnur
Ingibjörg Ólöf Isaksen bæjarfulltrúi og framkvæmdastjóri á Akureyri varð hlutskörpust í póstkosningu Framsóknarflokksins í Norðausturkjördæmi. Hafði hún betur en Líneik Anna Sævarsdóttir þingmaður flokksins, sem varð önnur í kjörinu.
Kjarninn 17. apríl 2021
Guðmundur Ingi Guðbrandsson umhverfis- og auðlindaráðherra.
Guðmundur Ingi leiðir Vinstri græn í Kraganum
Forvali Vinstri grænna í Suðvesturkjördæmi lauk kl. 17:10 í dag. Umhverfis- og auðlindaráðherra verður oddviti flokksins í kjördæminu í komandi kosningum.
Kjarninn 17. apríl 2021
Búast má við hraðri lækkun atvinnuleysis þegar ferðamenn koma hingað aftur, samkvæmt Hagfræðistofnun HÍ.
Verðbólgan gæti aukist aftur á næsta ári
Erfitt gæti reynst að stöðva þensluna í íslensku efnahagslífi eftir að faraldrinum lýkur, samkvæmt nýrri hagspá Hagfræðistofnunar Háskóla Íslands.
Kjarninn 17. apríl 2021
Ásta Möller, fyrir miðju, sat á þingi fyrir Sjálfstæðisflokkinn í áratug með hléum í upphafi aldar. Hún segir ekkert eðlilegra en að varaformaður flokksins sækist eftir oddvitasæti í sínu kjördæmi.
Telur „mikilvægt að veita varaformanni Sjálfstæðisflokksins brautargengi“
Ásta Möller, fyrrverandi þingmaður Sjálfstæðisflokksins og nú kjósandi í Norðvesturkjördæmi, segir að enginn eigi neitt gefið í pólitík og styður Þórdísi Kolbrúnu R. Gylfadóttur í komandi prófkjörsbaráttu við Harald Benediktsson.
Kjarninn 17. apríl 2021
Hvað gerist ef þú fellur í glóandi hraun?
Eigendur Icelandic Lava Show skrifa hraunmola vikunnar á Kjarnann. Þessi er númer tvö.
Kjarninn 17. apríl 2021
Flugfélagið Play kynnti sig til leiks í árslok 2019. Síðan kom heimsfaraldur, en nú er komið nýtt fjármagn að borðinu og stefnt að flugi á næstu mánuðum.
Segir að það sé „sérstök orka“ og „rosalegur kraftur“ hjá Play, sem undirbýr flugtak
Birgir Jónsson, nýráðinn forstjóri flugfélagsins Play, segir að honum líði eins og allt sem hann hafi gert hingað til hafi verið uppbygging að því takast á við forstjórastarfið hjá Play. Félagið auglýsir í dag tvær yfirmannastöður lausar til umsóknar.
Kjarninn 17. apríl 2021
Meira úr sama flokkiAðsendar greinar