Núllið er framtíðin

Framtíðin er til sýnis á bílasýningunni í Frankfurt.

Spilar blak við bílinn.
Spilar blak við bílinn.
Auglýsing

Bíla­sýn­ingin í Frank­furt er í fullum gangi núna, í 67. sinn sem hún er hald­in. Þjóð­verjar hafa lengi tekið bíla­iðn­að­inn alvar­lega enda ein af und­ir­stöðu­greinum þjóð­ar­innar og það er kannski til marks um stöðu grein­ar­innar að bæði Ang­ela Merkel, kansl­ari Þýska­lands, og Sheryl Sand­berg, fram­kvæmda­stjóri hjá Face­book, fluttu ræður við opn­un­ina. Sagði Sand­berg stolt frá því að Face­book væri eina fyr­ir­tækið í Sil­icon Valley sem væri ekki að þróa bíla.

Bíla­iðn­að­ur­inn hefur lík­leg­ast aldrei staðið frammi fyrir jafn­mik­illi óvissu og jafn­stórum spurn­ingum um fram­tíð­ina og akkúrat núna. Yfir­skrift sýn­ing­ar­innar er „Fram­tíðin er núna“ sem und­ir­strikar hversu mik­ill þrýst­ingur er á fram­leið­endur til þess að koma með lausnir á göt­urnar strax til að bregð­ast við lofts­lags­vand­anum og ekki síður tryggja að bíla­iðn­að­ur­inn í Þýska­landi verði áfram sam­keppn­is­hæfur og skapi störf í land­inu.

Spenn­andi nýj­ungar

Að vanda voru sýnd vænt­an­leg módel sem mörg hver eiga eftir að fylla þjóð­vegi lands­ins þegar á næsta ári eins og nýr Dacia Duster jeppi og smá­jepp­inn Kona frá Hyundai sem á eflaust eftir að veita honum harða sam­keppni. Kona mun í lok næsta árs koma á mark­að­inn sem raf­bíll með 500 km drægni sem verður áhuga­verður kostur fyrir íslenskar bíla­leigur sem vilja bjóða upp á umhverf­is­væna bíla á hag­kvæmu verði. Einnig voru kynntir nýir smá­jeppar frá Skoda, VW, Kia, Opel og Renault sem flestir eru vænt­an­legir sem tvinn­bíl­ar.

Nýr Dacia Duster-jepplingur er til sýnis á bílasýningunni í Frankfurt.

Áber­andi var fjöldi raf­magns­bíla sem sýndur var, ekki bara sem hug­mynda­bílar heldur sem bílar sem eru komnir eða alveg að koma á mark­að­inn. Sér­stak­lega athygli vöktu raf­bíl­arnir Urban frá Honda sem minnir á fyrsta Civic bíl­inn fyrir 40 árum síðan og BMW i5 sem er engum lík­ur. Sér­stak­lega vin­sælt var líka Buzz raf­brauðið frá VW sem skart­aði að sjálf­sögðu tveimur brim­brettum á toppnum en enn munu líða 5 ár þar til það kemur á mark­að­inn.

Kín­verjar setja tón­inn

Áber­andi er hvernig Kín­verjar eru að setja auk­inn þrýst­ing á bíla­iðn­að­inn. Árum saman hefur fjöld­inn allur af íhlutum verið fram­leiddur í Kína en nú voru þrír kín­verskir fram­leið­endur að kynna bíla undir eigin merkj­um. Wey sem er með lúxusjeppa af ýmsum stærðum með tvinn­vél­um, Chery sem er með breiða línu af ódýrum hefð­bundnum bílum og síðan Thund­er­storm sem er að koma með stóran raf­knú­inn fólks­bíl á mark­að­inn sem kemst 650 km á raf­hleðsl­unni.

Auglýsing

Kín­verjar hafa líka keypt gam­alt þýskt merki sem hefur legið í dvala í 50 ár og eru að koma með bíla sem líkj­ast Audi jepp­unum á markað auk þess að eiga Volvo bíla­fram­leið­and­ann sem til­kynnti þegar í síð­asta mán­uði að frá og með 2019 munu allir bílar vera með tvinn­vélum eða raf­mót­or­um. Þýsku bíla­merkin hafa öll komið með yfir­lýs­ingar und­an­farna daga um að þau muni einnig bjóða alla bíla sína sem tvinn- eða raf­bíla þó þau fari mun hægar í sak­irn­ar.

Truflun á bíla­mark­aðnum

Heil sýn­ing­ar­höll var tekin undir sam­göngur fram­tíð­ar­inn­ar, „New Mobility World“, þar sem fyr­ir­les­arar ræddu hvernig fólk mun ferð­ast um borgir fram­tíð­ar­innar og tækni­fyr­ir­tæki sýndu hvernig bílar aka sjálfir, eiga sam­skipti við mann­virki og sín á milli.

Bíla­iðn­að­ur­inn stendur á kross­göt­um. Bret­land, Frakk­land og nú síð­ast Kína hafa ákveðið að banna dísil­bíla ýmist frá árunum 2030 eða 2040 og í raun er orðið ljóst að tími bens­ín- og dísil­véla er lið­inn. Raf­knún­ir, sjálf­keyr­andi bílar eru orðin raun­veru­leiki og næsta áskorun er ein­fald­lega hvernig mark­að­ur­inn og iðn­að­ur­inn nær að aðlag­ast þessum breyt­ing­um. Eða eins og skipu­leggj­endur sýn­ing­ar­innar orða það sjálfir, fram­tíðin er núna.

Meira að segja fljúg­andi bílar eru orðnir stað­reynd en hol­lenskur fram­leið­andi sýndi flug­bíl sinn á sýn­ing­unni sem er að fara í fram­leiðslu og er þegar búið að selja fyrstu 90 bíl­ana.

Tækninni við bíla fleytir sífellt hraðar fram.

Fram­tíð­ar­sýn núll

Mér hafa þótt sjálf­keyr­andi bílar leið­in­legir alveg síðan ég fór í gömlu bíl­ana í Tívolí í Kaup­manna­höfn í fyrsta skipti 5 ára gam­all og átt­aði mig á því að ég væri í raun­inni ekki að stýra sjálfur þó ég fengi að halda í stýr­ið. Hinir sjálf­keyr­andi bílar fram­tíð­ar­innar eru þó mun meira spenn­andi og akst­ur­sunn­endum til hugg­unar get ég sagt að vænt­an­lega er enn langt þangað til að bílar á einka­mark­aðnum verða ein­göngu sjálf­keyr­andi. Í stað þess verður stýrið eitt­hvað sem þú getur kallað fram með takka þegar þú þarft á því að halda og tekið yfir stjórn­ina, en notið þess ann­ars að spjalla, horfa á kvik­myndir eða vinna á meðan bíll­inn ekur inn­an­bæjar eða á þjóð­vegum við réttar aðstæð­ur.

Sjálf­keyr­andi bílar eru samt sem áður mun nær en margur heldur enda fyrstu prufu­bíl­arnir komnir á göt­urnar og Mercedes Benz kynnti á sýn­ing­unni strætó í fullri stærð sem er sjálf­keyr­andi.

Mikið af þeim bún­aði sem þarf fyrir sjálf­keyr­andi bíla er þegar kom­inn inn í nýj­ustu mód­elin sem „akst­urs­að­stoð“ og má þar nefna Kia með sjálf­virka hraða­stýr­ingu og árekstr­ar­vörn sem hægir á bílnum ef umferð er hæg­ara á móti, sjálf­virkan umferð­ar­teppu­akstur (sem við Íslend­ingar þekkjum best frá rúnt­inum niður Laug­ar­veg­inn) og bíla sem leggja sjálfir í stæði eins og Ford hefur sett á mark­að­inn.

Gervi­greindin mun hámarka afköst og lág­marka áhættu í sam­göngum fram­tíð­ar­inn­ar. Tæknin er til­búin þó reglu­verkið og mark­að­ur­inn séu kannski ekki and­lega búin undir þessa breyt­ingu enn. Mark­miðin eru ein­föld, og kannski í fyrsta sinn sem þau hljóma raun­hæf. Fram­tíð­ar­sýn núll. Núll slys. Núll meng­un. Núll umferð­ar­teppa.

Hvað ætlar Ísland að gera?

Ísland hefur á und­an­förnum árum dreg­ist langt aftur úr öðrum þjóðum þegar kemur að raf­bíla­væð­ingu en hefur þó verið að taka við sér á und­an­förnum mán­uð­um. Með alla þá ódýru inn­lendu orku sem Ísland býr yfir myndi maður ætla að stjórn­völdum væri mjög í mun að auka hlut­fall raf­bíla en drægni bíl­anna hefur gert þá óhent­uga nema fyrir borg­arakst­ur. Aukið fram­boð af lang­drægum raf­bíl­um, hrað­virk­ari hleðslu­stöðvar og snerti­laus hleðsla gera það hins vegar að verkum að raf­bílar eru nú orðnir raun­hæfur kost­ur, líka fyrir íslenskar aðstæð­ur. Það verður því spenn­andi að sjá hvernig bæði mark­að­ur­inn, bíla­leig­urnar og stjórn­völd munu taka undir þær breyt­ingar sem nú þegar eru að umbylta bíla­iðn­að­in­um.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorsteinn Vilhjálmsson
Sprautur, siður og réttur
Kjarninn 26. febrúar 2021
Símon Sigvaldason
Dómsmálaráðherra gerir tillögu um að skipa Símon Sigvaldason í Landsrétt
Áslaug Arna Sigurbjörnsdóttir vill að Símon Sigvaldason verði skipaður í eina lausa stöðu við Landsrétt. Það þýðir að Jón Finnbjörnsson, sem er í leyfi og sótti um endurskipun, fær hana ekki.
Kjarninn 26. febrúar 2021
Magnús Ragnarsson framkvæmdastjóri hjá Símanum.
Býst við að Viaplay hækki verðið þegar íþróttapakkinn stækkar
Magnús Ragnarsson framkvæmdastjóri hjá Símanum býst við því að Viaplay hækki verðið á áskriftum sínum þegar íþróttapakkinn þeirra stækkar. „Annað væri bara skaðleg undirverðlagning,“ sagði Magnús í nýjum þætti af Tæknivarpinu.
Kjarninn 26. febrúar 2021
Sambærilegum smáhýsum hefur þegar verið komið upp í Gufunesi.
Smáhýsi fyrir heimilislausa í Laugardalnum þokast nær
Áform um smáhýsi fyrir heimilislausa á borgarlandi milli Suðurlandsbrautar og Fjölskyldu- og húsdýragarðsins hafa verið samþykkt í skipulags- og samgönguráði. Íþróttafélög, fasteignafélagið Reitir og fleiri lögðust gegn þessari staðsetningu smáhýsanna.
Kjarninn 26. febrúar 2021
Einkaneysla Íslendinga dróst lítið saman, þrátt fyrir samkomutakmarkanir
Minni samdráttur í fyrra en áður var áætlað
Landsframleiðsla dróst saman um 6,6 prósent í fyrra samkvæmt nýútgefnum þjóðhagsreikningum Hagstofu. Þetta er nokkuð minni samdráttur en Seðlabankinn og Íslandsbankinn höfðu áætlað.
Kjarninn 26. febrúar 2021
Katrín Jakobsdóttir, formaður Vinstri grænna og forsætisráðherra.
Einn hefur skráð sig sem hagsmunavörð
Þrátt fyrir að lög sem kveða á um skráningu hagsmunavarða hafi tekið gildi í byrjun árs hefur einungis einn skráð sig hjá hinu opinbera. Vinna við sérstakt vefsvæði, þar sem upplýsingar um skráða hagsmunaverði verða aðgengilegar, er á lokastigi.
Kjarninn 26. febrúar 2021
Tæknivarpið
Tæknivarpið
Tæknivarpið – Maggi Ragg um framtíð sjónvarps á Íslandi
Kjarninn 26. febrúar 2021
Ursula von der Leyen, framkvæmdastjóri Evrópusambandsins.
Samræmd bólusetningavottorð innan ESB gætu litið dagsins ljós eftir þrjá mánuði
Framkvæmdastjóri Evrópusambandsins sagði eftir fund leiðtoga þess í gær að það myndi taka „að minnsta kosti“ þrjá mánuði að þróa tæknilega útfærslu samræmdra bólusetningavottorða.
Kjarninn 26. febrúar 2021
Meira úr sama flokkiFréttaskýringar