Bjórskrímsli í burðarliðnum

bjor12.jpg
Auglýsing

„Saga stærstu brugg­húsa heims­ins hefur einkum snú­ist um óslökkvandi þorsta.“ Þannig hefst grein í tíma­rit­inu The Economist fyrr í mán­uð­in­um. Þar er fjallað um fyr­ir­hug­aðan risa­sam­runa brugg­hús­ana AB Inbev og SAB Mill­er. Verði af þessum áfornum hefur mynd­ast „bjór­skrímsli“, eins og Economist orðar það, sem myndi voma yfir helm­ingi af öllum hagn­aði af bjól­sölu í heim­in­um. Þriðji hver bjór sem jarð­ar­búar drekka árlega yrði fram­leiddur á vegum þessa „bjór­skrímslis“.

Lyk­il­hlut­verkið í þessum áformum leikur fjöl­skyldu­fyr­ir­tæki í Kólomb­íu, Santo Dom­ingo Group. Fyrrum höfuð þess, Julio Mario Santo Dom­ingo (1923-2011)var um tíma, eða 2005, annar rík­asti mað­ur­inn í Kólomb­íu. Sonur Julio sem nú stjórnar fyr­ir­tæk­inu til­kynnti í sumar um trú­lofun sína og Lady Charlotte Anne Wellesley dóttur níunda her­tog­ans af Well­ington.

Í fréttum reuters í vik­unni segir að mark­aðsvirði þess­arar brugg­húsa, ef þau sam­einast, yrði 275 millj­arðar doll­ara eða nær 18 föld lands­fram­leiðsla Íslands. Sam­run­inn myndi í einu höggi tryggja yfir­burða­stöðu AB Inbev í Suður Amer­íku og SAB Miller í Afr­íku en bjór­drykkja í báðum þessum heims­álfum fer vax­andi þessa stund­ina. Bæði þessi brugg­hús eiga einnig vel­gengni að fagna á Asíu­mark­að­in­um.

Auglýsing

AB Inbev og SAB Miller ein­beita sér að fram­leiðslu á bjór. Hestu vöru­marki hins fyrr­nefnda á bjór­mark­að­inum eru m.a. Bud­weiser, Corona, Stella Arotis og Becks. Helstu vöru­merki hins síð­ar­nefnda eru m.a.  Urquell, Miller og Grolsch.

Andrew Hol­land grein­andi hjá franska bank­anum Soci­ete Gen­arale segir að fyrir AB Inbev sé það aðgangur að Afr­íku­mark­að­inum sem er mest heill­andi hvað sam­runan varð­ar. Sem stendur er bjór frá AB Inbev vart til staðar í þeirri heims­álfu. „Auk þess má finna nokkrar við­bætur í Asíu og Suður Amer­ík­u,“ segir Hol­land. Fram kemur á reuters að það sé AB Inbev sem hafi haft frum­kvæðið að sam­runa­við­ræð­unum sem nú standa yfir.

Sam­runi á sam­runa ofan



Í stuttri sögu­legri upp­rifjun Economist um stærstu brugg­hús heims­ins kemur fram að árið 1989 hafi Jorge Paulo Lem­an, ásamt tveimur bræðrum sinna, keypt hið með­al­stóra brasil­íska brugg­hús Brahma fyrir 50 millj­ónir doll­ara. Ára­tug síðar sam­ein­að­ist  Brahma keppi­nautnum Ant­ar­t­ica og varð Arn­bev. Árið 2004 sam­ein­að­ist þetta brugg­hús hinu belgíska Inter­brew sem m.a. fram­leiddi Stella Atrois og Becks og úr varð brugg­húsið InBev. Fjórum árum síðar borg­aði InBev 52 millj­arða doll­ara fyrir banda­ríska brugg­húsið Anheuser-Busch. Ekki var látið staðar numið þar því árið 2012 borg­aði hið nýstofn­aða  Anheuser-Busch InBev 20 millj­arða doll­ara fyrir brugg­húsið Groupo Mondelo í Mexíkó. Á síð­asta ári mistókst SAB Miller hins­vegar að festa kaup á Hein­eken sem er þriðja stærsta brugg­hús í heimi hvað bjór­fram­leiðslu varð­ar.

santo (2) Í sumar til­kynnti Aljeandro um trú­lofun sína og Lady Charlotte Anne Wellesley. Mynd: EPA.

 

Erf­iður mark­aður



Þessar hrær­ingar meðal stærstu brugg­húsa heims koma á sama tíma og að heims­mark­að­ur­inn hvað björsölu varðar er jafn­daufur og flatur íslenskur pilsner.Í skýrslu sem ráð­gjafa­fyr­ir­tækið McK­insey gaf út í júní s.l. kom fram að alþjóð­leg brugg­hús stæðu frami fyrir ein­hverjum mest krefj­andi aðstæðum á heims­mark­aði á und­an­förnum 50 árum. Þar spilar stórt hlut­verk mik­ill fram­gangur sjálf­stæðra lít­illa brugg­húsa og svo­kall­aðra míkró­brugg­húsa sem hafa m.a. haslað sér völl á íslenska bjór­mark­að­inum á und­an­förnum árum.

Hlutafé í SAB Miller ódýrt



Economist segir að inn í áhuga AB Inbev spili að hlutafé í SAB Miller er ódýrt í dag. Hluta­féið hefur fallið veru­lega í verði í fram­haldi af geng­is­falli rands­ins í Suður Afr­íku og pesóans í Kól­umbíu. Lélegur hag­vöxtur í nýmark­aðs­ríkjum hefur heldur ekki hjálpað til en brugg­húsið fær um 72 pró­sent tekna sinna frá slíkum ríkj­u­m.  SABMiller er skráð á markað í Bret­landi og það þýðir að sam­kvæmt þar­lendum lögum þarf AB Inbev að leggja fram form­legt til­boð fyrir 14. októ­ber n.k.

Í fréttum reuters er enn­fremur bent á að sam­keppn­is­yf­ir­völd hefðu áreið­an­lega sitt hvað að athuga við það ef þessir tveir bruggrisar ganga saman í eina sæng. Senni­lega þarf að selja eigur á móti til að liðka fyrir sam­run­an­um. Í því sam­bandi er rætt um sölu á Miller í Banda­ríkj­unum og sölu á CR Snow stærsta brugg­húsi Kína.

Fjöl­skyldan ræður



Þótt búist sé við að stjórn SAB Miller muni örugg­lega hafna fyrsta til­boð­inu frá AB Inbev er málið að mestu í höndum tveggja stærstu eig­enda brugg­húss­ins. Þetta eru tóbaks­ris­inn Altrie ann­ars­vegar og hins­vegar Santo Dom­ingo fjöl­skyldan í Kolóm­b­íu. Economist segir að ef skil­málar AB InBev séu nógu „heill­andi“ muni báðir þessir eig­endur vænt­an­lega styðja sam­run­ann.

Það var Julio Mario Santo Dom­ingo sem stofnað fyr­ir­tækið sem nú heitir Santo Dom­ingo Group á seinni­hluta síð­ustu ald­ar. Hann komst á lista For­bes yfir rík­ustu menn heims­ins og var tal­inn næst­rík­asti mað­ur­inn í Kólombíu árið 2005 en auð­æfi hans voru þá metin á um 8 millj­arða doll­ara eða réttu megin við 1.000 millj­arða kr. Julio Mario var örlátur á fé sitt og gaf mikið til ýmissa góð­gerð­ar­stofn­anna og sam­taka.

Það er Aljeandro sonur Julio Mario, frá seinna hjóna­bandi hans,  sem stjórnar Santo Dom­ingo Group í dag en hann gegnir einnig ýmsum öðrum áhrifa­stöð­um. Aljeandro situr m.a. í stjórn Metropolitan lista­safns­ins í New York.

Santo Dom­ingo fjöl­skyldan er að fara að tengj­ast enska aðlin­um. Í sumar til­kynnti  Aljeandro um trú­lofun sína og Lady Charlotte Anne Wellesley. Fyrir utan að vera dóttir her­tog­ans af Well­ington er hún barna­barna­barn Wil­hjálms II Þýska­landskeis­ara. Brúð­kaupið verður haldið á næsta ári.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svavar Halldórsson
Dýravelferð í íslenskum landbúnaði
Kjarninn 23. október 2021
Dagur B. Eggertsson, borgarstjóri Reykjavíkur.
„Vanda þarf til verka á þessu mikilvæga og viðkvæma horni“
Borgarstjóri segir að hvorki endanlegar né ásættanlegar tillögur séu komnar fram um uppbyggingu á Bræðraborgarstíg þar sem mannskæðasti eldsvoði í sögu Reykjavíkur varð í fyrrasumar. Vanda þurfi til verka og gera megi ráð fyrir því að vinnan taki tíma.
Kjarninn 23. október 2021
283 lítra af vatni þarf til framleiða eitt kíló af „græna gullinu“
Sprenging í eftirspurn eftir avókadó hefur orðið til þess að skógar hafa verið ruddir, ár og lækir mengaðir og mikilvægum vistkerfum stefnt í voða. Eiturlyfjahringir kúga fé út úr smábændum og nota viðskipti með ávöxtinn til peningaþvættis.
Kjarninn 23. október 2021
Míla hefur verið seld til franska fjárfesta. Útbreiðsla 5G og ljósleiðarauppbygging er meðal þess sem nýr eigandi leggur áherslu á.
Sala á Mílu skilar Símanum 46 milljörðum
Síminn hefur selt Mílu til eins stærsta sjóðsstýringarfyrirtækis Evrópu. Hagnaður af sölunni er 46 milljarðar króna. Kaupandinn, Ardian France SA, hefur boðið íslenskum lífeyrissjóðum að taka þátt í kaupunum og eignast allt að 20 prósenta hlut í Mílu.
Kjarninn 23. október 2021
Stefán Ólafsson
Gott lífeyriskerfi – en með tímabundinn vanda
Kjarninn 23. október 2021
Jónas Atli Gunnarsson
Er lóðaskortur virkilega flöskuhálsinn?
Kjarninn 23. október 2021
Tæknivarpið
Tæknivarpið
Tæknivarpið – Nýjar Macbook Pro og Pixel 6 símar
Kjarninn 23. október 2021
Halyna Hutchins fæddist í Úkraínu, ólst upp á herstöð á norðurslóðum og nam kvikmyndatökustjórn í Los Angeles.
Halyna Hutchins – Mögnuð listakona sem var á hraðri uppleið
Hún var elskuleg, hlý, fyndin, heillandi á hraðri uppleið. Og dásamleg móðir. Með þessum hætti er kvikmyndatökustjórans Halyna Hutchins minnst. Hún varð fyrir skoti úr leikmunabyssu á tökustað kvikmyndarinnar Rust í gær.
Kjarninn 22. október 2021
Meira úr sama flokkiFréttaskýringar
None