Árásin á skrif­stofur skop­mynda­blaðs­ins Charlie Hebdo er nú skil­greind sem hryðju­verk; árás sem af ásetn­ingi er beint gegn almennum borg­urum til ógn­unar - sem framin er í þeim til­gangi að ná fram stjórn­mála­legum eða öðrum hug­mynda­fræði­legum mark­mið­um.

Freyr Eyj­ólfs­son.

Hryðju­verka­árásin í París er skil­greind sem árás á mál­frelsið; árás á blaða­menn og tján­inga­frels­ið. Skila­boð hryðju­verka­mann­anna virð­ast vera að ekki sé hægt að segja hvað sem er – það megi ekki gera grín að öllu! Grunn­gildi franska lýð­veld­is­ins eru hins veg­ar: Frelsi, jafn­rétti og bræðra­lag. Það er löng hefð fyrir beittu ádeilu­gríni og skop­myndum í Frakk­landi sem má rekja aftur til Voltaire, François Rabelais og Moliére.

Þekkt­ustu skop­mynda­teikn­arar Frakk­lands: Cabu, Charb, Tignous, og Wol­inski létu líf sitt fyrir verk sín og störf; ádeilu­grín og flug­beitta blaða­mennsku.

Mun árásin marka frönsk stjórn­mál?

Þetta er mann­skæð­asta hryðju­verka­áras í tvo ára­tugi og margir ótt­ast að hún muni jafn­vel breyta frönsku sam­fé­lagi. Frakkar hafa tekið þátt í hern­að­ar­að­gerðum í Írak, Afganistan, Líb­íu, Malí, Sýr­landi og víðar og lengi hefur hryðju­verka­árás legið í loft­inu og margar hót­anir borist. Francois Hollande sagði þegar hann mætti á vett­vang í dag að franska leyni­þjón­ustan hefði ítrekað komið í veg fyrir til­raunir til hryðju­verka und­an­far­ið. Nýlega til­kynnti franska lög­reglan frá viða­miklum hand­tökum á grun­uðum hryðju­verka­mönn­um.

Strax í dag verður maður áþreif­an­lega var við aukna lög­gæslu og búist er við því að öll örygg­is­gæsla verða aukin til muna á næstu dög­um, vikum og jafn­vel árum.

Nú er spurt: Mun árásin breyta frönsku sam­fé­lagi? Það stytt­ist í þing­kosn­ing­ar. Mun Þjóð­fylk­ing­in, for­mað­ur­inn Mar­ine Le Pen og hægri öfga­menn nýta sér þennan hryll­ing? Þjóð­fylk­ingin hefur löngum haft horn í síðu múslima og beint spjótum sínum að þeim og inn­flytj­end­um. Margir ótt­ast að árásin eigi eftir að efla Þjóð­fylk­ing­una og jafn­vel fleyta Mar­ine Le Pen í for­seta­emb­ætt­ið. Auð­vitað er of snemmt að spá fyrir um allt slíkt – en þetta er engu að síður umræðan þessa klukku­tíma eftir árás­ina.

Mun árásin draga kjark úr blaða­mönn­um?

Mun árásin á ein­hvern hátt hræða blaða­menn? Draga úr beittu gríni? Það er hefð fyrir skörpum rök­ræðum í Frakk­landi, háði og hvers konar gagn­rýni. Fyrstu við­brögð í dag eru þau að fylla verði skarð tíma­rits­ins Charlie Hebdo; halda áfram skörpu ádeilu­gríni og skop­mynd­um. Nú sé brýnt að frelsi blaða­manna og lista­manna sé virt sem aldrei fyrr.

Árásin er túlkuð af Francois Hollande sem árás á Frakk­land og árás á frönsk gildi. Strax í dag verður maður áþreif­an­lega var við aukna lög­gæslu og búist er við því að öll örygg­is­gæsla verða aukin til muna á næstu dög­um, vikum og jafn­vel árum. Afleið­ingar gætu sömu­leiðis verið aukið eft­ir­lit, fleiri örygg­is­mynda­vél­ar, njósn­ir, hler­arnir og fleira í þeim dúr.

Þessa stund­ina eru frönsk yfir­völd á nálum – ALLT verður gert til þess að finna og hand­sama ódæð­is­menn­ina.