Obama: Internetið er grunnþjónusta

obama.jpg
Auglýsing

Barack Obama Banda­ríkja­for­seti vill herða reglu­verk utan um net­þjón­ustu­fyr­ir­tæki í því skyni að koma í veg fyrir að þau mis­muni eða skerði þjón­ustu til not­enda. Í stuttu mynd­bandi sem birt var á vef­síðu Hvíta húss­ins á mánu­dag sl. tal­aði Obama fyrir auk­inni neyt­enda­vernd á net­inu og sagði að koma þyrfti í veg fyrir að fyr­ir­tækin bæti eigin hag með því að skerða þjón­ustu til not­enda.

Hug­mynda­fræðin sem Obama talar fyrir kall­ast „net­hlut­leysi“ eða „net neutrality“. Hún er ekki ný af nál­inni og hefur verið miðja hags­muna­bar­áttu net­þjón­ustu­fé­laga og inter­net-aktí­vista í rúman ára­tug. Stuðn­ings­menn net­hlut­leys­is, for­set­inn þar á með­al, telja inter­netið svo mik­il­vægan hluta dag­legs lífs fólks að ekki megi skerða rétt þeirra til að vafra frjálst um netið án afskipta þeirra fyr­ir­tækja sem veita aðgang­inn. Reglu­verkið verði að taka mið af þessu og tryggja jafnt aðgengi.

https://www.youtu­be.com/watch?v=uKcjQP­VwfDk

Auglýsing

„Frá upp­hafi inter­nets­ins hefur það grund­vall­ast um ein­faldar meg­in­reglur um að vera opið, sann­gjarnt og frjál­st,“ sagði Obama í upp­hafi ávarps­ins. „Engir verðir ákveða hver hlýtur aðgang. Það eru engin toll­hlið á upp­lýs­inga-hrað­braut­inni. Þessar meg­in­regl­ur, það eru hug­myndir um net­hlut­leysi, hafa læst úr læð­ingi þá orku sem ein­kennir inter­netið og veitt frum­kvöðlum tæki­færi til þess að blómstra. Frá­vik frá þessum meg­in­reglum myndi þýða enda­lok inter­nets­ins eins og við þekkjum það.“

Í ræð­unni beinir Obama orðum sínum til Fjar­skipta­stofn­unar Banda­ríkj­anna, FCC, og biður hana um að vernda net­hlut­leysi. Stofn­unin er sjálf­stæð, og skýrir það m.a. hvers vegna Obama beitir sér með þessum hætti. „FCC ætti að gera það ótví­rætt að hvort sem þú notir tölvu, síma eða spjald­tölvu, þá beri fyr­ir­tækj­unum laga­leg skylda til þess að hvorki banna né skerða aðgang að heima­síð­u,“ sagði for­set­inn. Hann vill að öll fyr­ir­tæki sem veita aðgang að net­inu séu skil­greind sem fjar­skipta­fyr­ir­tæki, en þannig er það ekki í dag sem gerir lagaum­hverfið grárra en ella.

Hvatar til mis­mun­unar



Sem betur fer eru fá dæmi um að fyr­ir­tækin hafi dregið úr þjón­ustu not­enda í eigin þágu. Hvatar til slíks þykja engu að síður aug­ljós­ir, og eru helsta ástæða fyrir því að Obama setur málið með svo afger­andi hætti á odd­inn.

Sem dæmi um hags­muna­á­rekstra ann­ars vegar fyr­ir­tækis sem lagði, á og rekur net­strengi í jörðu (t.d. Comcast, stærsta fjar­skipta­fyr­ir­tækis Banda­ríkj­anna) og hins vegar kaup­anda að þjón­ust­unni, þá getur það verið Comcast í hag að loka alfarið eða hægja á streymi til efn­isveita eins og Net­flix og Hulu. Not­and­inn er þá lík­legri til þess að kaupa aðgang að efn­isveitu Comcast. Eins gæti Comcast kraf­ist þess að Net­flix borgi sér­stakt gjald til þess að not­endur gætu sótt efnið frá þeim hrað­ar. Sú er raunin í dag, og hefur Net­flix reitt fram háar fjár­hæðir til þess að tryggja að not­endur net­þjón­ustu­fé­lag­anna geti notað vef­síð­una.

Dýfa á mörk­uðum



Hluta­bréfa­verð allra helstu net­veita Banda­ríkj­anna lækk­aði snarpt í kjöl­far birt­ingar ávarps­ins. Með­fylgj­andi mynd, fengin af mark­aðsvef Goog­le, sýnir hvernig fyr­ir­tækin Time Warner Cable, Comcast, Ver­izon, Charter og Cablevision tóku dýfu á mánu­dag.

fjarskiptafelogin (1)

Áhyggjur fjár­festa eru ekki úr lausu lofti gripn­ar. Óvissan sem ríkir um hvernig reglu­verkið muni líta út hefur áhrif á  áætl­anir fjar­skipta­fyr­ir­tækj­anna. Sem dæmi um það til­kynnti AT&T að fjár­fest­ingar í háhraða­net­köplum yrðu settar á ís í hund­rað banda­rískum borgum þar til reglur yrðu skýrð­ar.

 

Mis­heppnuð reglu­breyt­ing



Reglum FCC um net­þjón­ustu­fyr­ir­tækin var síð­ast breytt árið 2010. Þá var net­veit­unum gert óheim­ilt að úti­loka not­endur frá ein­stökum vef­síðum eða efn­isveit­um, öll „ósann­gjörn mis­mun­um“ (un­r­ea­sona­ble discrim­ination) var bönnuð og reglum var breytt í því skyni að auka gegn­sæi á mark­að­in­um. Þetta sætti síma- og net­þjón­ustu­fyr­ir­tækið Ver­izon sig ekki við, taldi FCC fara út fyrir vald­svið sitt án sam­þykkis frá lög­gjaf­ar­þing­inu, kærði ákvörðun FCC og vann málið í byrjun þessa árs.

Í dag er inn­leið­ing net­hlut­leysis í banda­rískt fjar­skipta­reglu­verk því aftur komið á byrj­un­ar­reit. Drög hafa verið birt að nýjum reglum Fjar­skipta­stofn­un­ar­innar og hefur hún óskað álits á  þeim. Meðal breyt­inga er að í stað þess að banna „ósann­gjarna mis­mun­un“ er fyr­ir­tækj­unum heim­ilt að veita hrað­ari aðgang að net­efni ef það þykir „sann­gjarnt“ (commerci­ally rea­sona­ble). Tals­menn net­hlut­leysis telja orða­lagið opna stóra smugu fyrir hverskyns mis­mun­un. Gera má ráð fyrir að útspil Banda­ríkja­for­seta í vik­unni sé til að leggja sitt á vog­ar­skál­arnir í bar­átt­unni fyrir net­hlut­leysi.

Inter­net­að­gangur sem mann­rétt­indi



Í anda hug­mynda­fræð­innar um net­hlut­leysi hafa þing­menn Pírata lagt fram þings­á­lykt­un­ar­til­lögu um jafnt aðgengi að inter­net­inu. „Að­gangur almenn­ings að inter­net­inu mun án efa telj­ast til mik­il­væg­ustu mann­rétt­inda fram­tíð­ar­inn­ar. Inter­net­inu hefur verið lýst sem einu áhrifa­mesta verk­færi 21. aldar til að auka gagn­sæi, tryggja aðgang að upp­lýs­ingum og efla virka þátt­töku almenn­ings í lýð­ræð­is­legu sam­fé­lagi. Því standa rík rök til þess að tryggja öllum lands­mönnum öruggan aðgang að inter­net­in­u.“ segir í upp­hafi grein­ar­gerðar til­lög­unn­ar.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Þorsteinn Már vonar að tímabundið brotthvarf rói umræðu um Samherja
Þorsteinn Már Baldvinsson segir í viðtali við Vísi að Samherji sé ekki sálarlaust fyrirtæki. Honum blöskrar umræða um fyrirtækið í kjölfar afhjúpandi þáttar Kveiks um starfsemi Samherja í Namibíu.
Kjarninn 14. nóvember 2019
Indriði H. Þorláksson
Samherji í gráum skugga
Kjarninn 14. nóvember 2019
Björgólfur í leyfi frá störfum sem stjórnarformaður Íslandsstofu
Björgólfur Jóhannsson tekur við sem forstjóri Samherja tímabundið.
Kjarninn 14. nóvember 2019
Leifur Gunnarsson
Takmarkanir á tímum tæknibyltinga – Staða fólks með sykursýki 1 í dag
Kjarninn 14. nóvember 2019
Mosfellsbær heldur áfram að stækka
Íbúum Mosfellsbæjar hefur fjölgað gríðarlega á síðasta áratug sem og nýjum íbúðum. Bæjarstjórn Mosfellsbæjar býst við áframhaldandi fjölgun íbúa á næsta ári.
Kjarninn 14. nóvember 2019
Haukur Arnþórsson
Hugleiðingar um tengsl stjórnmála og sjávarútvegs
Kjarninn 14. nóvember 2019
Svæðið sem um ræðir
Steypuvinna vegna Landsbankabyggingarinnar – Reikna með að fara 190 ferðir á einum degi
Botnplata nýju Landsbankabyggingarinnar á Austurbakka 2 verður steypt laugardaginn næstkomandi. Meðan unnið er þarf að loka hægri akrein Kalkofnsvegar í átt að Lækjargötu.
Kjarninn 14. nóvember 2019
Inga Sæland
„Ætlar utanríkisráðherra að láta þetta viðgangast?“
Formaður Flokks fólksins setur spurningarmerki við það að stjórnarformaður Íslandsstofu taki við embætti formanns Samherja.
Kjarninn 14. nóvember 2019
Meira úr sama flokkiFréttaskýringar
None