Alls var 104 manns sagt upp í hóp­upp­sögnum í jan­ú­ar. Fólk­inu var sagt upp hjá fjár­mála­fyr­ir­tæki, stór­mark­aði og fyr­ir­tæki sem rak íþrótta­mann­virki. Þetta kemur fram á vef Vinnu­mála­stofn­un­ar.

Þetta eru mun fleiri en var sagt upp í hóp­upp­sögnum í des­em­ber 2014. Þá var 50 starfs­mönnum fisk­vinnslu sagt upp störf­um. Á öllu árinu 2014 var 231 sagt upp í hóp­upp­sögnum hjá alls tíu fyr­ir­tækj­um. Flestir þeirra unnu í fisk­vinnslu, eða 81, en 50 unnu í fjár­mála- og trygg­inga­þjón­ustu.

Því var sá fjöldi sem sagt var upp í hóp­upp­sögnum í jan­úar 2015 45 pró­sent þess fjölda sem var sagt upp í slíkum allt árið 2014.

43 þeirra 104 sem sagt var upp í jan­úar voru starfs­menn Lands­bank­ans.

37 misstu vinn­una hjá Kaupási vegna lok­unar Nóa­túns í JL-­hús­inu og breyt­inga á öðrum versl­unum úr Nóa­túns-versl­unum í Krón­una. Jón Björns­son, for­stjóri Kaupáss, stað­festi þetta við Kjarn­ann. Hann segir að af þessum 37 starfs­mönnum hafi fjórir verið í fullu starfi.

Þá var 28 manns sagt upp vegna lok­unar Keilu­hall­ar­innar í Öskju­hlíð, en stöðu­gildi voru 12. Sam­kvæmt Rún­ari Fjeld­sted fram­kvæmda­stjóra keilu­hall­ar­innar stendur til að ráða sem flesta þess­ara starfs­manna hjá Keilu­höll­inni í Egils­höll.

Sam­kvæmt þessum upp­lýs­ingum misstu því 108 ein­stak­lingar vinn­una í þessum þremur hóp­upp­sögn­um, en stöðu­gildin eru tals­vert færri.