16,8 milljónir hafa farið í ferðalög forseta Íslands

15247571896-249601b780-z.jpg
Auglýsing

Kostn­aður vegna emb­ætt­is­ferða Ólafs Ragn­ars Gríms­son­ar, for­seta Íslands, hefur numið rúmum 16,8 millj­ónum króna frá upp­hafi þessa kjör­tíma­bils, 1. ágúst 2012, og út árið 2014. 5.194.327 krónur hafa verið greiddar for­set­anum í dag­pen­inga á þessu tíma­bili.

Þetta kemur fram í svari for­sæt­is­ráð­herra við fyr­ir­spurn Svan­dísar Svav­ars­dótt­ur, þing­konu Vinstri grænna.

Inni í þess­ari upp­hæð er ekki kostn­aður við ferðir ann­arra emb­ætt­is­manna eða maka Ólafs Ragn­ars.

Auglýsing

Frá því að kjör­tíma­bilið hófst 1. ágúst 2012 og út það ár var for­set­inn erlendis í 23 heila daga í emb­ætt­is­er­ind­um. 13 daga til við­bótar var hann í einka­er­ind­um. Árið 2013 var hann 70 heila daga í útlöndum og 24 í einka­er­indum og í fyrra var hann erlendis í 56 heila daga í emb­ætt­is­er­indum og 43 í einka­er­ind­um.

Kostn­aður sem fallið hefur á for­seta­emb­ættið vegna ferða Dor­rit Moussai­eff er rúm­lega 1,9 millj­ónir á sama tíma­bili. Dor­rit hefur aldrei þegið dag­pen­inga en for­seta­emb­ættið hefur greitt far­gjöld fyrir hana vegna þátt­töku hennar í emb­ætt­is­ferð­um.

Þá kemur fram í svar­inu að greiðslur til hand­hafa for­seta­valds þegar for­set­inn er í útlöndum hafa numið tæp­lega 22 millj­ónum króna á þessu kjör­tíma­bili.

 

Meira úr sama flokkiInnlent
None