Sam­tals hafa 194 stjórn­ar­menn farið í við­tal hjá ráð­gjaf­ar­nefnd um hæfi stjórn­ar­manna á árunum 2010 til 2014. Af þeim reynd­ust 180 stjórn­ar­menn vera með full­nægj­andi þekk­ingu og 14 með ófull­nægj­andi. Þetta kemur fram í Fjár­mál­um, vefriti Fjár­mála­eft­ir­lits­ins, en ekki er til­tekið um hvaða stjórn­ar­menn er að ræða.

Við mat á þekk­ingu stjórn­ar­manna fjár­mála­fyr­ir­tækja, vátrygg­ing­ar­fé­laga og líf­eyr­is­sjóða getur Fjár­mála­eft­ir­litið óskað eftir umsögn ráð­gjaf­ar­nefndar um hæfi stjórn­ar­manna. Reyn­ist þekk­ing stjórn­ar­manna ófull­nægj­andi er algeng­ast að við­kom­andi segi sig í kjöl­farið úr stjórn eft­ir­lits­skylds aðila að eigin frum­kvæði. „Einnig hefur komið til þess að stjórn Fjár­mála­eft­ir­lits­ins víki stjórn­ar­manni úr stjórn við­kom­andi aðila á grund­velli heim­ild­ar“ í lög­um, segir í Fjár­mál­um.

Einnig er vikið að kynja­hlut­falli í stjórnum en lög kveða á um að hluta­fé­lög og líf­eyr­is­sjóðir skuli að lág­marki vera með 40 pró­sent af hvoru kyni í stjórn­um. Sama gildir um kynja­hlut­föll meðal vara­manna. Í lögum um hluta­fé­lög mið­ast fram­an­greint við stjórnir félaga þar sem starfa fleiri en 50 starfs­menn að jafn­aði á árs­grund­velli.