Ill­ugi Gunn­ars­son, mennta- og menn­ing­ar­mála­ráð­herra, boðar þings­á­lykt­un­ar­til­lögu um breyt­ingar á Rík­is­út­varp­inu (RÚ­V). Hann segir að end­ur­meta þurfi rekstur og hlut­verk RÚV í ljósi nýs fjöl­miðla­lands­lags og að til­lagan gæti komið fram í vor. Þetta kemur fram í Morg­un­blað­inu í morg­un. 

Þar segir einnig að ráð­herr­ann telji að á grund­velli afgreiðslu slíkrar til­lögu sé hægt að "stíga næsta skref" varð­andi RÚV. Ill­ugi vildi ekki greina frá hvað hann ætti við með því og sagði að hann myndi gera það síð­ar. 

Þessi boðun ráð­herr­ans kemur í kjöl­far skýrslu skýrslu nefnd­ar sem Ill­ugi skip­aði 7. maí síð­ast­lið­inn til að greina þróun á starf­semi RÚV ohf. frá stofn­un, og kom út í vik­unni. Þar var rekstur fyr­ir­tæk­is­ins harð­lega gagn­rýnd­ur. Gerð skýrsl­unnar hefur einnig verið harð­lega gagn­rýnd og hún sögð póli­tískt plagg sem nota eigi til að grafa undan rúv. Þá hef­ur Magnús Geir Þórð­ar­son útvarps­stjóri sagt að rang­færslur sé að finna í skýrsl­unni, m.a. um fjár­kröfur RÚV.

Ill­ugi vill að útvarps­gjaldið verði ekki lækkað

Í skýrsl­unni, sem nefnd undir for­mennsku Eyþórs Arn­alds vann, seg­ir meðal ann­ars að rekstur RÚV hafi ekki verið sjálf­bær frá því að fyr­ir­tækið var gert að opin­beru hluta­fé­lagi árið 2007. Alls nemur tap umfram hagnað 813 millj­ónum króna á því tíma­bili, og er þar gert ráð fyrir þeim tekjum sem RÚV hefur af útvarps­gjaldi sem lands­mönnum er skylt að greiða. Samt sem áður gera áætl­anir RÚV, sem fyr­ir­tækið vinnur eft­ir, ráð fyrir því að það fái hærra útvarps­gjald en gert er ráð fyrir í fjár­laga­frum­varpi árs­ins, að 3,2 millj­arða króna lán vegna líf­eyr­is­skuld­bind­inga hverfi úr efna­hag RÚV og að sala á bygg­inga­rétti á lóð fyr­ir­tæk­is­ins gangi eft­ir. Gangi allar þessar for­sendur ekki eftir er rekstur RÚV eins og fyr­ir­tækið er rekið í dag ósjálf­bær. 

Útvarps­gjaldið sem rennur að mestu til RÚV var lækkað um síð­ustu ára­mót, úr 19.400 krónum í 17.800 krón­um. Um næstu ára­mót á að lækka það aftur í 16.400 krón­ur. Í Frétta­blað­inu í gær var haft eftir Ill­uga að hann ætli að leggja það til að útvarps­gjaldið muni ekki lækka um kom­andi ára­mót. Engin ákvörðun hefur hins vegar verið tekin um hvort ríkið yfir­taki líf­eyr­is­skuld­bind­ing­arnar sem fylgdu RÚV þegar fyr­ir­tækið var gert að opin­beru hluta­fé­lagi.

Í til­kynn­ingu sem RÚV sendi frá sér í gær er sagt að skýrslan sem full af rang­færsl­um. "Full­yrt er að Rík­­is­út­­varpið geri kröfu um skil­yrt við­bót­ar­fram­lag til næstu fimm ára og í áætl­­un­um fé­lags­ins sé gert ráð fyr­ir veru­­lega hækk­uðu rík­­is­fram­lag­i, þ.á.m. að 3,2 millj­­örðum króna verði varið til að létta skuld­um af Rík­­is­út­­varp­inu. Þetta er ekki rétt. Rík­­is­út­­varpið hafði vakið at­hygli nefnd­­ar­inn­ar á að full­yrð­ing­ar þeirra í skýrslu­drög­um væru rang­ar og jafn­­framt að þeim væri óheim­ilt með til­­liti til laga um verð­bréfa­við­skipti nr. 108/​2007 að birta upp­­lýs­ing­ar sem vörð­uðu rekstr­­ar­á­ætl­an­ir fé­lags­ins, þar með talið ósam­þykkt­ar sviðs­mynd­ir, enda höfðu nefnd­­ar­­menn ritað und­ir trún­að­ar­­yf­­ir­lýs­ingu þess efn­­is.

Hið rétta er að stjórn Rík­­is­út­­varps­ins hef­ur sam­þykkt rekstr­­ar­á­ætl­­un fyr­ir tíma­bilið 1. sept­­em­ber 2015 til 31. ág­úst 2016. Þessi áætl­­un ger­ir ráð fyr­ir að út­varps­gjaldið lækki ekki frek­ar held­ur hald­ist það óbreytt eins og mennta- og menn­ing­­ar­­mála­ráð­herra hef­ur boð­að. Sú áætl­­un verður upp­­­færð og lögð fyr­ir stjórn fyr­ir árs­­lok og mun þá taka til alm­an­aks­ár­s­ins 2016. Einnig liggja fyr­ir áætl­an­ir sem gera ráð fyr­ir við­brögðum fé­lags­ins ef for­­send­ur um óbreytt út­varps­­gjald ganga ekki eft­ir í með­för­um þings­ins. Þær áætl­an­ir fela í sér um­tals­verða skerð­ingu á þjón­­ustu og dag­­skrá Rík­­is­út­­varps­ins. Í öll­um áætl­­un­um stjórn­­enda Rík­­is­út­­varps­ins er gert ráð fyr­ir halla­­laus­um og sjálf­­bær­um rekstri á næsta rekstr­­ar­ári, eins og raun­in hef­ur verið á síð­ast­liðnum tólf mán­uð­um.“