Prent­smiðjan Oddi sagði um mán­að­ar­mótin upp tólf starfs­mönn­um, og þá mun Þor­geir Bald­urs­son, sem verið hefur for­stjóri Odda um langt ára­bil, hætta störfum á næst­unni sökum ald­urs. Staða for­stjóra var aug­lýst laus til umsóknar fyrir tveimur vik­um. 

Baldur Þor­geirs­son, fram­kvæmda­stjóri inn­lendrar starf­semi Kvosar, móð­ur­fé­lags Odda, og fram­leiðslu­ein­inga, stað­festi þetta í sam­tali við Kjarn­ann fyrr í dag. „Þetta eru hag­ræð­ing­ar­að­gerðir af okkar hálfu, og óhjá­kvæmi­leg­ar,“ sagði Bald­ur, en hann sagði enn fremur að fólk með ára­tuga starfs­reynslu hjá fyr­ir­tæk­inu hefði verið meðal þeirra sem sagt hefði verið upp. „Starfs­fólk okkar er með mikla starfs­reynslu heilt yfir, svo það er óhjá­kvæmi­legt að aðgerðir sem þessar nái til fólks með mikla reynslu,“ sagði Bald­ur. Hann sagði aðgerðir líkt og nú hefur verið gripið til alltaf erf­ið­ar, en vonir stæðu til þess að með þeim kæm­ist rekst­ur­inn á réttan kjöl. 

Útlit er fyrir að heild­ar­velta Odda muni drag­ast saman á þessu ári miðað við árið í fyrra, en muni þó nema ríf­lega fimm millj­örðum króna. Um 300 manns hafa unnið hjá fyr­ir­tæk­inu und­an­farin ár.

Krist­inn ehf., félag í eigu Guð­bjargar Matth­í­as­dótt­ur, eig­anda Ísfé­lags­ins, Íslensk/Am­er­íska og stórs hluta Morg­un­blaðs­ins, keypti meiri­hluta hluta­fjár í Kvos, móð­ur­fé­lagi Odda, í nóv­em­ber 2013. Selj­endur voru einkum fjöl­skyldur nokk­urra erf­ingja stofn­enda Odda, og var kaup­verðið sagt trún­að­ar­mál í til­kynn­ingu. Eign­ar­hluti Þor­geirs Bald­urs­son­ar, for­stjóra Kvosar, hélst þó óbreyttur eftir aðkomu Krist­ins.