Á ferða­mála­þingi á Akur­eyri þann 28. októ­ber síð­ast­lið­inn var sýnt landa­kort ráð­gjafa­fyr­ir­tæk­is­ins Alta sem sýnir stað­setn­ingu rúm­lega 144 þús­und hnit­settra ljós­mynda teknar á Íslandi á árunum 2012 og 2014. Mynd­irnar eiga það sam­eig­in­legt að vera aðgengi­legar á ljós­mynda­síð­unni Flickr. 

Á kort­inu eru ljós­mynd­irnar sýndar í bláum lit og bendir dekkri blár litur til vin­sælli stað­setn­ingar ljós­mynd­ara, eins og útskýrt er á vef Alta. Til­gangur korts­ins var að sýna hversu gagn­leg landupp­lýs­inga­kerfi geta verið við að greina land­fræði­leg gögn og sér­stak­lega var vakin athygli á að sam­fé­lags­biðjar bjóða upp á að sótt séu gögn sem fela meðal ann­ars í sér stað­setn­ingu not­anda. Á kort­inu eru sett saman gögn frá Land­mæl­ingu Íslands, mörk frið­lýstra svæða frá Umhverf­is­stofn­un, áhuga­verðir við­komu­staðir sem söfn­uð­ust í átaks­verk­efn­inu „Kort­lagn­ing auð­linda ferða­þjón­ust­unn­ar“ og Flickr mynd­irn­ar.

Þá má auk þess sjá gagn­virkt kort Alta sem sýnir hvernig mynda­töku­staðir breyt­ast eftir árs­tíðum hér fyrir neð­an.