Um fjögur pró­sent íbúða í Reykja­vík eru leg­iðar til íbúða­gist­ingar í skamm­tíma­leigu, oft­ast í gegnum síð­una Air­bn­b.com, og er hlut­fallið hátt miðað við aðrar borg­ir. Áhrif á fast­eigna­mark­að­inn eru þau að í ýmsum hverfum Reykja­víkur er fast­eigna­verð hærra vegna auk­innar eft­ir­spurnar eftir hús­næði undir íbúða­gist­ingu, en fjölgun hót­el­her­bergja hefur ekki haldið í við fjölgun ferða­manna sem hafa því leitað ann­arra gisti­mögu­leika. 

Þetta er meðal nið­ur­staðna nýrrar skýrslu sem unnin var á Háskól­anum í Bif­röst um umfang íbúða­gist­ingar í ferða­þjón­ustu á Íslandi. Fram kemur að alls eru um 3.400 her­bergi og íbúðir skráðar á Air­bn­b.com, þar af 1.900 her­bergi og íbúðir í Reykja­vík. Sam­kvæmt Sýslu­manni á höf­uð­borg­ar­svæð­inu eru ein­ungis þrettán pró­sent af þeim með skráð leyfi til íbúða­gist­ing­ar. Það gera um 250 leyfi.

Skýrslan var unnin fyrir atvinnu- og nýsköp­un­ar­ráðu­neyt­ið. Stefnt er að því að leggja fram frum­varp til breyt­ingar á lögum um veit­inga­staði, gisti­staði og skemmt­ana­hald á yfir­stand­andi þingi og verður skýrslan höfð til hlið­sjónar í þeirri vinnu, að því er fram kemur á vef ráðu­neyt­is­ins.  Í skýrsl­unni segir að umrædd lög nái ekki nægi­lega vel utan um nýjan veru­leika í íbúða­gist­ingu, ein­falda þurfi leyf­is­veitnga­ferlið og að reglur um skatt­lagn­ingu séu ekki skýr­ar. 

Skýrslan í heild.