Ekki verður til­kynnt um útboð Ríks­kaupa á flug­miðum fyrir opin­bera starfs­menn í haust eins og til stóð. Talið er að erlend flug­fé­lög muni vilja taka þátt í útboð­inu. Frá þessu er greint á vef Túrista.is og þar talið ólík­legt að íslensk flug­fé­lög muni sitja ein að flug­ferðum rík­is­starfs­manna til Evr­ópu.

Síð­ast var óskað eftir til­boðum í flug­ferðir fyrir rík­is­starfs­menn árið 2011 en þá bár­ust aðeins til­boð frá Icelandair og Iceland Express. Samið var við bæði flug­fé­lögin um flug­ferðir á fimm leiðum en ári síðar var starf­semi Iceland Expres hætt. WOW Air kærði stöðu mála í byrjun 2015 og komst kæru­nefnd útboðs­mála að þeirri nið­ur­stöðu að halda þyrfti annað útboð.

Sam­kvæmt upp­lýs­ingum túrista.is er ennþá unnið að því að klára útboðs­gögn­in. Ekki hefur verið tekin ákvörðun um fram­kvæmd útboðs­ins heldur en von­ast er til að vinn­unni ljúki fyrir ára­mót. Gert er ráð fyrir því að útboðin megi ekki bjóða hvata fyrir starfs­menn til að ferð­ast hjá við­kom­andi flug­fé­lagi eða veita þeim per­sónu­leg fríð­indi á borð við vild­ar­punkta.

Nokkur umræða hefur verið um fram­kvæmd og eðli­lega hætti þegar kemur að kaupum rík­isns á flug­miðum fyrir starfs­menn. Ólafur Steph­en­sen, fram­kvæmda­stjóri Félags atvinnu­rek­enda, hefur látið hafa eftir sér að það sé í „hæsta máta óeðli­legt að rík­is­starfs­menn þiggi vild­ar­punkta til per­sónu­legra nota vegna flug­ferða sem skatt­greið­endur hafa borgað fyr­ir“.

For­svars­menn erlendra flug­fé­laga hafa lýst áhuga á því að taka þátt í útboð­inu. Nýverið gerðu dönsk stjórn­völd samn­inga um flug­ferðir danskra rík­is­starfs­manna. Þar var óskað eftir til­boðum í hátt í 200 flug­leiðir og samn­ingar gerðir við þrjú flug­fé­lög á hverri leið. Starfs­mönnum er svo skylt að velja ódýrasta flug­farið á hverri leið en skil­yrt var í útboð­inu að flug­fé­lögin byðu upp á að minnsta kosti þrjár ferðir í viku.

Flug­é­lög á borð við SAS og Brit­ish Airwa­ys, sem hingað fljúga nokkrum sinnum í viku, gætu hugs­an­lega boðið betur en íslensku flug­fé­lögin Icelandair og WOW air á leiðum til Evr­ópu. Á leiðum vestur um haf er Delta eina erlenda flug­fé­lagið sem lendir í Kefla­vík.